بٷگٸن الماتى ەكٸمٸنٸڭ ورىنباسارى ساپاربەك تۇياقباەۆ دەرٸ-دەرمەككە قاتىستى ونلاين بريفينگ ٶتكٸزدٸ, دەپ حابارلايدى قازاقپارات.
ونىڭ ايتۋىنشا, وسىدان 2 اپتا بۇرىن پاندەميياعا بايلانىستى جەكەلەگەن دەرٸلەرگە سۇرانىس ەدەۋٸر ٶسٸپ كەتكەن بولاتىن.
«پاراتسەتامولدى قالانىڭ جالپى تۇتىنۋى مامىر ايىندا 50 مىڭ بولسا, سوڭعى ەكٸ اپتادا كٷنٸنە 100 مىڭ ساتىلدى. جىل بويى تەمومەتردٸڭ 100 مىڭى ساۋدالانسا, 2-3 كٷندە 50 مىڭ تەمومەتر ساتىلىپ كەتتٸ. تۇتىنۋدىڭ, سۇرانىستىڭ ٶسۋٸنە بايلانىستى دا تاپشىلىق تۋىنداپ وتىر. قازٸر مەسەلەنٸ تۇراقتاندىرۋ ٷشٸن كٷنٸنە 2 رەت مونيتورينگ جاساپ وتىرمىز. باستاپقىدا دەرٸحانالاردىڭ ينفراقۇرىلىمى سۇرانىسقا دايىن ەمەس بولاتىن. مەسەلە شەشٸلدٸ. قازٸر سوڭعى 1 اپتادا ٷلكەن دٷرلٸگۋ جوق», - دەدٸ ساپاربەك تۇياقباەۆ.
ونىڭ ايتۋىنشا, 1 شٸلدەدەن باستاپ الماتى دەرٸحانالارىنا 900 مىڭعا جۋىق دەرٸ جەتكٸزٸلگەن.
«ودان بٶلەك كٷندەلٸكتٸ بٷكٸل كومپانييالاردا, دەرٸحانالار قويماسىندا دا دەرٸنٸڭ بٸزدەگٸ قورىنا مونيتورينگ جاساپ وتىرمىز. 846 مىڭ دانا دەرٸ بار.
1 اي كٶلەمٸندە 3 ملن 685 كەلٸسٸمشارت جاسالعان.
پاراتسەتامولدىڭ 185 مىڭ داناسى بار. 16 شٸلدەدەن باستاپ اي سوڭىنا دەيٸن 2,2 ملن قاپتاماسى كەلەدٸ. سوندىقتان, كەيبٸر ازاماتتاردىڭ دەرٸ جوق دەپ دابىل قاققانى شىندىققا سەيكەسپەيدٸ», - دەدٸ تۇياقباەۆ.
