Foto: Gov.kz
Baým toǵaiynda aǵashtar kesiledi degen aqparat áleýmettik jelilerde taraǵannan keiin, Almaty qalasynyń ákimdigi resmi málimdeme jasady, dep habarlaidy Ult.kz.
Qalalyq Ekologiia jáne qorshaǵan orta basqarmasyna qarasty «Medeý» memlekettik óńirlik tabiǵi saiabaǵynyń habarlaýynsha, toǵai aýmaǵynda 104 429 aǵash pen 5081 buta bar. Barlyǵy memlekettik orman qorynyń quramyna kiredi jáne erekshe qorǵalatyn tabiǵi aýmaq sanalady.
Basqarma málimetinshe, qazir munda bekitilgen sanitarlyq-saýyqtyrý jobasy aiasynda qýraǵan butaqtardy kesý, ziiankesterge qarsy óńdeý jáne tazartý jumystary júrgizilýde. Aǵashtardy jappai kesý josparda joq.
2026 jyly aýmaqty abattandyrý sheńberinde myńnan astam jańa aǵash otyrǵyzý kózdelgen. Buǵan deiin eriktilerdiń qatysýymen alma, emen, shyrsha jáne órik aǵashtarynyń eki myńnan astam kósheti egilgen.
Abattandyrý kezinde ekologiialyq taza materialdar qoldanylyp, jaiaý júrginshiler joldary men energiia únemdeitin jaryq shamdar ornatylady.
Ákimdik ókilderiniń aitýynsha, atqarylyp jatqan barlyq sharalar Almatynyń biregei tabiǵi aýmaǵyn saqtaý men jańǵyrtýǵa baǵyttalǵan.
