Almatyda kólik reformasy aiasynda 11,5 milliard teńgege 300 jańa avtobýs satyp alý josparlanyp otyr, - dep habarlaidy "Ult aqparat" kaz.tengrinews.kz portalyna silteme jasap.
"Biz máslihattyń kelesi sessiiasyna usynys daiyndap qoidyq. Olardan 11,5 milliard teńge surap otyrmyz. 300 jańa avtobýs satyp almaqshymyz. Avtobýstyń tórt kategoriiasyn satyp alǵymyz keledi. Ázirshe naqty sheshpedik, bul másele talqylanyp jatyr", - dedi Almaty qalalyq Jolaýshylar kóligi jáne avtomobil joldary basqarmasynyń basshysy Maqsut Isahov.
Onyń aitýynsha, 32 - alty metrlik, 45 - 10 metrlik, 200 - 11 metrlik, 20 - 20 metrlik avtobýstardy satyp alý josparda bar. Sondai-aq, Maqsut Isahov "Almatyelektrotrans" úshin 60 avtoýbstyń satyp alynǵanyn aitty.
