Almatyda «Tsifrlyq Qazaqstan» memlekettik baǵdarlamasy aiasynda tsifrlyq televiziia jobasy engiziletin boldy. Bul týraly óńirlik kommýnikatsiialar qyzmetinde Almaty oblystyq radiotelehabar taratý direktsiiasynyń direktory Qaisar Razdyqov aitty, dep habarlaidy "Ult aqparat".
«Tsifrlyq habar taratý elimizdiń basym baǵyttarynyń biri. Qazaqstanda tsifrlyq tehnologiiaǵa kóshýdiń kezeńdik jospary quryldy. Tsifrlyq televideniege kóshken jaǵdaida tele jáne radiobaǵdarlamalardyń sany kóbeiedi, biraq olardy jasaýǵa ketetin resýrs azaiady. Sonymen qatar, bul sala jarnama naryǵyn damytýǵa da septigin tigizedi. Qalalyq abonentter tsifrlyq sapadaǵy 30 kanaldy, aýyldyqtar 15 kanaldy kóre alatyn bolady. Tsifrlandyrý jumystary úshin abonentter aqsha tólemeidi», - dedi Qaisar Razdyqov.
Onyń aitýynsha, jobany júzege asyrý barysynda bailanys operatorlarymen arada jumys júrgizilip jatyr.
«Tsifrlandyrý jobasy 2021 jylǵa deiin jalǵasady degen jospar bar. Nátijesinde 2-3 jylda Qazaqstannyń barlyq óńirine tsifrlyq telearna taralady. Qazaqstandyqtar abonenttik aqy tólemei-aq 30 arnany sapaly rejimde kóre alady», - dedi qalalyq Jumyspen qamtý jáne áleýmettik baǵdarlamalar basqarmasynyń bólim basshysy Gúlnar Muhametova.
