الماتىدا «تسيفرلىق قازاقستان» مەملەكەتتٸك باعدارلاماسى اياسىندا تسيفرلىق تەلەۆيزييا جوباسى ەنگٸزٸلەتٸن بولدى. بۇل تۋرالى ٶڭٸرلٸك كوممۋنيكاتسييالار قىزمەتٸندە الماتى وبلىستىق راديوتەلەحابار تاراتۋ ديرەكتسيياسىنىڭ ديرەكتورى قايسار رازدىقوۆ ايتتى, دەپ حابارلايدى "ۇلت اقپارات".
«تسيفرلىق حابار تاراتۋ ەلٸمٸزدٸڭ باسىم باعىتتارىنىڭ بٸرٸ. قازاقستاندا تسيفرلىق تەحنولوگيياعا كٶشۋدٸڭ كەزەڭدٸك جوسپارى قۇرىلدى. تسيفرلىق تەلەۆيدەنيەگە كٶشكەن جاعدايدا تەلە جەنە راديوباعدارلامالاردىڭ سانى كٶبەيەدٸ, بٸراق ولاردى جاساۋعا كەتەتٸن رەسۋرس ازايادى. سونىمەن قاتار, بۇل سالا جارناما نارىعىن دامىتۋعا دا سەپتٸگٸن تيگٸزەدٸ. قالالىق ابونەنتتەر تسيفرلىق ساپاداعى 30 كانالدى, اۋىلدىقتار 15 كانالدى كٶرە الاتىن بولادى. تسيفرلاندىرۋ جۇمىستارى ٷشٸن ابونەنتتەر اقشا تٶلەمەيدٸ», - دەدٸ قايسار رازدىقوۆ.
ونىڭ ايتۋىنشا, جوبانى جٷزەگە اسىرۋ بارىسىندا بايلانىس وپەراتورلارىمەن ارادا جۇمىس جٷرگٸزٸلٸپ جاتىر.
«تسيفرلاندىرۋ جوباسى 2021 جىلعا دەيٸن جالعاسادى دەگەن جوسپار بار. نەتيجەسٸندە 2-3 جىلدا قازاقستاننىڭ بارلىق ٶڭٸرٸنە تسيفرلىق تەلەارنا تارالادى. قازاقستاندىقتار ابونەنتتٸك اقى تٶلەمەي-اق 30 ارنانى ساپالى رەجٸمدە كٶرە الادى», - دەدٸ قالالىق جۇمىسپەن قامتۋ جەنە ەلەۋمەتتٸك باعدارلامالار باسقارماسىنىڭ بٶلٸم باسشىسى گٷلنار مۇحامەتوۆا.
