Foto: instagram.com/kazakhstan__wrestling
Qazaqstan kúres federatsiiasynyń Bas hatshysy Dimash Sultanov ortalyq kommýnikatsiialar qyzmetinde ótken brifingide 1987 jylǵy Almat Kebispaev nege grek-rim kúresinen 76 keli salmaqtaǵy jas balýandarǵa jol bermei júrgenin túsindirdi, dep habarlaidy QazAqparat agenttigi.
«Grek-rim kúresinen baq synaityn balýandarymyzdyń ortasha jasy 29 jas ekenin aittyńyzdar. Almat Kebispaev spartakiadada da jeńiske jetti. Nege onyń salmaǵynda nátije tómendep ketti, ony jeńetin jas balýandar nege shyqpai jatyr?» - dep surady BAQ ókili.
Federatsiia Bas hatshysynyń aitýynsha, bul salmaqtaǵy negizgi balýan jaraqatyna bailanysty byltyrdan beri kúres kilemine shyǵa almai júr. Sondyqtan, bul jolǵy Aziia chempionatynda senim tájiribeli Almat Kebispaevqa artylyp otyrǵan kórinedi.
«Nátije tómendep ketti dep aitýǵa bolmaidy. Óitkeni, Almattyń tájiribesi óte mol. Jyl basyndaǵy spartakiadada kórsetken nátijesi – tek eńbektiń arqasy. Ony bárimizge moiyndaý kerek. 67 keli salmaqta Meiirjan Shermahanbet degen balýanymyz bar. Ókinishke qarai, byltyrdan beri jaraqatyna bailanysty úlken jarystarǵa qatysa alǵan joq. Áli emdelip jatyr. Biraq, biylǵy Álem chempionatyna deiin jaraqaty jazylyp, qaitadan sapqa qosylady dep senemiz.
Al, basqa kúres túrlerine kelsek, erkin kúres sherbeleriniń arasynda jas balýandar óte jaqsy nátije kórsetip, osy Aziia chempionatyna qatysyp otyr. Jastar ósip keledi», - dedi Dimash Sultanov.
Buǵan deiin habarlaǵanymyzdai, 9-14 sáýir aralyǵynda Astanada grek-rim, erkin jáne áielder kúresinen ótetin 36-shy Aziia chemiponatyna qurlyqtyń 24 elinen 300-den astam balýan qatyspaq.
