فوتو: instagram.com/kazakhstan__wrestling
قازاقستان كٷرەس فەدەراتسيياسىنىڭ باس حاتشىسى ديماش سۇلتانوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە 1987 جىلعى المات كەبٸسپاەۆ نەگە گرەك-ريم كٷرەسٸنەن 76 كەلٸ سالماقتاعى جاس بالۋاندارعا جول بەرمەي جٷرگەنٸن تٷسٸندٸردٸ, دەپ حابارلايدى قازاقپارات اگەنتتٸگٸ.
«گرەك-ريم كٷرەسٸنەن باق سىنايتىن بالۋاندارىمىزدىڭ ورتاشا جاسى 29 جاس ەكەنٸن ايتتىڭىزدار. المات كەبٸسپاەۆ سپارتاكيادادا دا جەڭٸسكە جەتتٸ. نەگە ونىڭ سالماعىندا نەتيجە تٶمەندەپ كەتتٸ, ونى جەڭەتٸن جاس بالۋاندار نەگە شىقپاي جاتىر?» - دەپ سۇرادى باق ٶكٸلٸ.
فەدەراتسييا باس حاتشىسىنىڭ ايتۋىنشا, بۇل سالماقتاعى نەگٸزگٸ بالۋان جاراقاتىنا بايلانىستى بىلتىردان بەرٸ كٷرەس كٸلەمٸنە شىعا الماي جٷر. سوندىقتان, بۇل جولعى ازييا چەمپيوناتىندا سەنٸم تەجٸريبەلٸ المات كەبٸسپاەۆقا ارتىلىپ وتىرعان كٶرٸنەدٸ.
«نەتيجە تٶمەندەپ كەتتٸ دەپ ايتۋعا بولمايدى. ٶيتكەنٸ, الماتتىڭ تەجٸريبەسٸ ٶتە مول. جىل باسىنداعى سپارتاكيادادا كٶرسەتكەن نەتيجەسٸ – تەك ەڭبەكتٸڭ ارقاسى. ونى بەرٸمٸزگە مويىنداۋ كەرەك. 67 كەلٸ سالماقتا مەيٸرجان شەرماحانبەت دەگەن بالۋانىمىز بار. ٶكٸنٸشكە قاراي, بىلتىردان بەرٸ جاراقاتىنا بايلانىستى ٷلكەن جارىستارعا قاتىسا العان جوق. ەلٸ ەمدەلٸپ جاتىر. بٸراق, بيىلعى ەلەم چەمپيوناتىنا دەيٸن جاراقاتى جازىلىپ, قايتادان ساپقا قوسىلادى دەپ سەنەمٸز.
ال, باسقا كٷرەس تٷرلەرٸنە كەلسەك, ەركٸن كٷرەس شەربەلەرٸنٸڭ اراسىندا جاس بالۋاندار ٶتە جاقسى نەتيجە كٶرسەتٸپ, وسى ازييا چەمپيوناتىنا قاتىسىپ وتىر. جاستار ٶسٸپ كەلەدٸ», - دەدٸ ديماش سۇلتانوۆ.
بۇعان دەيٸن حابارلاعانىمىزداي, 9-14 سەۋٸر ارالىعىندا استانادا گرەك-ريم, ەركٸن جەنە ەيەلدەر كٷرەسٸنەن ٶتەتٸن 36-شى ازييا چەميپوناتىنا قۇرلىقتىڭ 24 ەلٸنەن 300-دەن استام بالۋان قاتىسپاق.
