Foto: videodan kadr
Almaty oblysynda sýbsidiia alý kezinde derekterdi burmalaý faktilerin anyqtaý barysynda «Shańyraq» qoǵamdyq birlestiginiń basshysy A. Sadyrbaevtyń asa iri mólsherde alaiaqtyq jasaǵany áshkerelendi, dep habarlaidy Qazaqstan.tv.
Ol Balqash, Eńbekshiqazaq, Kegen, Raiymbek jáne Uiǵyr aýdandarynda jalǵan aýyl sharýashylyǵy kooperativterin qurǵan. Negizgi maqsat - usaq maldyń analyq basyn uryqtandyrýǵa sýbsidiialardy zańsyz alý jáne jem-shóp shyǵyndaryn óteý. Bul úshin zańnamaǵa qaishy aýylsharýashylyq jerleri joq sharýa qojalyqtary tartylǵan. Budan ári jalǵan kadastrlyq nómirlerdi kórsete otyryp, dáieksiz málimetterdi qamtityn sýbsidiialar alýǵa ótinimder berilgen. Osylaisha 1,2 mlrd teńgeden astam qarajat urlanǵan.
A.Sadyrbaev ustaldy. Al onyń sybailasy tergeý sotynyń sanktsiiasymen úi qamaýynda.
