Májiliske jańa kózqarastaǵy jáne ideiasy bar azamattar keldi. Iaǵni tómengi palata burynǵy formatta jumys istemeidi.
Májilistiń iriktelgen jańa depýtattary jaily Qazaqstan strategiialyq zertteýler institýty Aqparattyq-taldaý jumysy bólimi basshysynyń orynbasary Almas Arzyqulov osyndai pikir bildirdi, dep habarlaidy QazAqparat.
«Búgin partiialar jeńip alǵan oryndaryna qarai kimder depýtat bolatynyn jariia etti. Úsh partiianyń qai-qaisysyn alsaq ta, quramy 70 paiyzǵa jańarǵanyn kórip otyrmyz. Qazaqstan halyq partiiasy bolsyn, Aq jol nemese Nur Otan bolsyn quramy birshama ózgergen, Prezident tapsyrǵan kvota deńgeii saqtalǵan», - dedi Almas Arzyqulov QazAqparat tilshisine telefon arqyly bildirgen pikirinde.
Onyń aitýynsha, «Nur Otan» partiiasynan usynylǵan depýtattardyń ishinde barlyq salanyń ókilderi bar.
«Olardyń ishinde memlekettik qyzmette jumys istegen azamattar, bilim men densaýlyq saqtaý, ónerkásip salasynan da, úkimettik emes uiymdardan da shyqqan adamdar barshylyq. Bul jerdegi basa nazar aýdaratyny – Nur Otan partiiasy jastar men áielderdiń 30 paiyzdyq kvota boiynsha tapsyrmasyn oryndap otyr. Odan bólek jańa kózqarastaǵy azamattardyń kelgenin aitýǵa bolady. Meniń oiymsha, Májilis endi burynǵy formatta jumys istemeidi. Jańa adamdar jańa kózqaraspen, jańa ideiamen, jańa jobalarymen keledi. Olar saiasatty burynǵydan qaraǵanda basqasha júrgizedi degen oidamyn», - deidi sarapshy.
Ol Ulttyq keńes músheleri qatarynan kelgen azamattardyń Májilistegi jumys anyq baiqalar dep úmit bildirdi.
«Ulttyq keńes músheleri qoǵamnyń ózekti máseleleriniń sheshimin endi depýtat retinde tabýǵa talpynary anyq. Jańa Parlamenttiń taǵy bir ereksheligi – jańadan kelgen tulǵalarmen qatar, búgin saiasatta júrgen, tisqaqqan saiasatkerlerdiń de qalýy. Túgelimen aýysyp ketse, kei jaǵdaida jol silteitin, túzetetin adamdar qalmas edi. Saiasatta júrgen biraz azamattar Májilis sapynda qaldy», - dedi ol.
Eske sala ketsek búgin «Nur Otan» partiiasy Saiasi keńesi Biýrosynyń sheshimimen 76 kandidattan turatyn tizim bekitilgen bolatyn. Depýtattyqqa kandidattardyń 7-ýi ǵana burynǵy memlekettik qyzmetker, iaǵni Fraktsiia quramynda olardyń sany 10%-ten aspaidy.
