Álem jurtshylyǵy All Eyes On Rafah (aýdarmasy: «Álem nazary Rafahta») dep atalatyn aýqymdy fleshmobqa belsendi qatysyp jatyr. Áleýmettik jelilerde tiisti heshtegpen júzdegen myń jazba jariialandy. Naýqan Gaza sektoryndaǵy jaǵdaiǵa nazar aýdarýǵa baǵyttalǵan, dep habarlaidy «Ult aqparat».
All Eyes on Rafah fleshmoby álemdik áleýmettik jelilerde qarqyn alyp keledi
Belsendiler men gýmanitarlyq uiymdar All Eyes on Rafah dep atalatyn fleshmobty iske qosty, bul «Álem nazary Rafahta» degendi bildiredi. Bastama bosqyndar ornalasqan shatyrlardyń aiasynda naýqannyń uranyn beineleitin sýretti belsendi túrde taratýdan turady.
Osylaisha, álemdik qaýymdastyq Rafahtaǵy jaǵdaiǵa nazar aýdarýǵa shaqyrady (Gaza sektorynyń ońtústigindegi qala), búginde 1,5 million adam panaǵa májbúr.
«Adamdar bosqyndarǵa arnalǵan shatyrlarda turady jáne gýmanitarlyq kómekke muqtaj, biraq ony jetkilikti túrde ala almai jatyr», - dep habarlaidy halyqaralyq basylymdar.
Naýqan kóptegen eldiń áleýmettik jelilerinde qarqyn alýda, atap aitqanda ol Eýropada, Avstraliiada jáne Úndistanda keń tanymal boldy, dep jazady Forbes. Aita ketý kerek, aktsiiaǵa qazaqstandyqtar da belsendi qosylýda.
Bári qashan jáne nege bastaldy
Zertteýshilerdiń pikirinshe, bul uran Dúniejúzilik densaýlyq saqtaý uiymynyń (DDU) qyzmetkeri Rik Peperkornnyń pikirinen keiin paida boldy. Ol bul sóz tirkesin aqpan aiynda, Izrail premer-ministri Beniamin Netaniahýdyń HAMAS birlestikteriniń qalǵan núktelerin joimas buryn Rafah qalasy úshin evakýatsiialaý josparyn jasaýǵa buiryq bergennen keiin aitty.
Save the Children, Oxfam, «Amerikalyqtar Palestinadaǵy ádilettilik úshin», «Beibitshilik úshin evreiler úni» jáne Palestinamen yntymaqtastyq naýqany siiaqty Gaza sektorynyń turǵyndaryn qoldaityn uiymdar da osy urandy qoldanady.
Rafahtaǵy búgingi jaǵdai
26 mamyrda keshke Izrail Rafah qalasynyń soltústik-batysyndaǵy qonys aýdarýshylar lagerine áýe shabýyldaryn jasady. Kem degende 50 adam qaitys boldy, olardyń arasynda áielder men balalar bar.
Premer-ministr Beniamin Netaniahý nátijesinde beibit turǵyndar qaza tapqan Izrail kúshteriniń Gaza sektoryndaǵy Rafah qalasyna soqqyny «qaiǵyly qatelik» dep moiyndady.
«Beibit turǵyndar zardap shekpeýine barynsha tyrysqanymyzben, qaiǵyly qatelik boldy. Biz tergeý júrgizip, bolǵan oqiǵanyń sebepterin anyqtaimyz, biz sondai saiasatty ustanamyz», - dedi Netaniahý Izrail Parlamentine.
Halyqaralyq kóshbasshylardyń pikirleri
Kem degende 50 adam qaza tapqan áýe shabýylynan keiin Eýropa Odaǵy Izrailmen qarym-qatynasty qaita qaraý týraly sheshim qabyldady. Eýropalyq Odaqtyń Syrtqy ister ministrleri Izrail armiiasy Gaza sektorynyń aýdandaryn atqylaǵan kezde Briýsselde jinaldy. Aldyńǵy kúni Halyqaralyq sot Izrail Rafahtaǵy áskeri shabýyldy dereý toqtatýy kerek degen sheshim shyǵardy.
Bul úndeýge Saýd Arabiiasy, Iordaniia, Katar, Egipet jáne Birikken Arab Ámirlikteri qosyldy.
Buǵan deiin BUU Halyqaralyq soty Izraildi Gazadaǵy Rafahqa shabýyl jasaýdy toqtatýǵa shaqyrǵan bolatyn.
"Bi-bi-si" habarlaǵandai, sot Palestina halqyna qaýip tónip turǵandyqtan Izraildi Rafahtaǵy áskeri shabýyl men basqa áreketterdi dereý toqtatýy kerek dep sheshti.
BUU Halyqaralyq sotynyń tóraǵasy Navaf Salam bul jaǵdai Gaza turǵyndarynyń quqyqtaryna orny tolmas ziian keltirý qaýpin týdyratynyn aitty.
.jpg)