Foto: Polisia.kz
Áliia Moldaǵulovanyń týǵanyna 100 jyl tolýyna orai Aqtóbede "Jas saqshy" synyby ashyldy, – dep habarlaidy Polisia.kz.
Aqtóbe qalasynyń K. Nokin aýylyndaǵy №65 orta mektepte Keńes Odaǵynyń Batyry Áliia Moldaǵulovanyń esimi berilgen "Jas saqshy" synybynyń saltanatty ashylýy ótti. Bul joba Aqtóbe oblysy politsiia departamentiniń qoldaýymen júzege asyrylyp, óskeleń urpaqtyń azamattyq jaýapkershiligin, quqyqtyq mádenietin arttyrýǵa jáne quqyq qorǵaý organdaryna degen qyzyǵýshylyǵyn oiatýǵa baǵyttalǵan.
Jańa synypqa oqý úlgerimi, tártibi jáne yntasy joǵary 25 oqýshy iriktelip alyndy. Saltanatty is-sharada arnaiy politsiia formasyn kigen oqýshylarǵa kýálikter tabystalyp, saltanatty túrde ant qabyldady. Ishki ister organdary qyzmetkerleriniń formasyn kiiý — bul baǵyttyń mańyzdylyǵy men jaýapkershiligin kórsetedi.
Erlik tarihqa degen qurmet pen patriottyq tárbieniń belgisi retinde Abai Jýsýpov mektepke Áliia Moldaǵulovanyń músinin tartý etti. Bul syilyq — Otanǵa adaldyqtyń, batyrlyq pen ádilet jolyndaǵy tabandylyqtyń simvolyna ainaldy. Mundai qasietter bolashaq quqyq qorǵaýshylarǵa tán bolýy tiis.
"Zań men tártip oqýshylarǵa búgin ǵana emes, bolashaq ómirlerinde de serik bolýy qajet", — dedi Abai Jýsýpov óz sózinde.
Sondai-aq politsiia departamenti men mektep arasyndaǵy yntymaqtastyq jáne ózara is-qimyl týraly Memorandýmǵa qol qoiyldy.
"Jas saqshy" jobasy mektep pen politsiia arasyndaǵy ózara bailanysty nyǵaitýǵa, oqýshylardyń kásibi baǵdaryn qalyptastyrýǵa jáne jas urpaqtyń belsendi azamattyq ustanymyn tárbieleýge baǵyttalǵan.
