Qazaqstandyq ánshiler Álisher Kárimov pen Ernar Sádirbaev (Amre) "Resei daýysy" shoýynyń onynshy maýsymyndaǵy jekpe-jek kezeńinde sátti óner kórsetti, - dep habarlaidy "Ult aqparat" Tengrinews.kz agenttigine silteme jasap.
Álisher Kárimov Aleksandr Gradskiidiń komandasynda Polina Klinnikovamen dýette The Prayer kompozitsiiasyn oryndady.
"Álisherdiń oryndaýyn sózben aityp jetkizý múmkin emes. Bir ýaqytta tembrlerdi, daýys kúshin qalai kórsetýge bolatynyna tańmyn, shynyn aitqanda, bul qiyn. Men ne isterimdi bilmes edim, biraq Álisher, sózsiz, keremet mýzykant", - dedi Dima Bilan.
Komanda tálimgeri Aleksandr Gradkii kelesi kezeńge Álisherdi ótkizdi.
Dima Bilannyń komandasynan Ernar Sádirbaev sahnaǵa Rýstim Bahtiiarovpen dýet bolyp shyqty. Olar "Mne s detstva snilas vysota" ánin shyrqady.
"Men bul ándi 41 jyl buryn, 1980 jylǵy Olimpiadaǵa arnalǵan film úshin aitqanmyn. Jigitter, sender, búginginiń adamdary, quqyqtaryń bar. Shynymdy aitsam, maǵan unady", - dedi Aleksandr Gradskii.
"Meniń oiymsha, Ernarmen budan da qyzyq mýzykany tańdaýǵa bolady", - dep tálimger Dima Bilan qorytyndylady da, kelesi kezeńge qazaqstandyqty tańdady.
Endi qazaqstandyqtar "nokaýt" kezeńinde baq synasady.
