Elimizdiń birqatar óńirinde epidemiologiialyq ahýaldyń turaqsyzdanýyna bailanysty sanitarlyq beketter qoiylyp, shekteý sharalary kúsheitilýde. Osyǵan orai tanymal qazaqstandyq estrada ánshisi Álisher Karimov el azamattaryn karantin sharalaryn saqtaýǵa ári jaqyndarynyń densaýlyǵyna jaýapkershilikpen qaraýǵa shaqyrdy, dep habarlaidy QazAqparat.
«Árine, ataýly kúndi atap ótkiń-aq keledi. Biraq, qazir koronavirýspen aýyryp qalmaý úshin barlyq saqtyq sharalaryn saqtaǵan abzal. Barlyq toi-tomalaqty ýaqytsha shektei turý qajet ekendigin túsinemiz. Jalpy, ózim qai jerge barsam da maska taǵyp júremin. Al jastar ne isteýi qajet? Olar sabyr saqtap, oiyn-saýyqtan bas tarta turǵany jón. Qazirgi ýaqytta Eýropada, birqatar shetelde koronavirýs infektsiiasynyń qaita órshigeni baiqalady. Ár azamat ózine, óziniń, jaqyndarynyń densaýlyǵyna jaýapty bolýy tis. Barlyq azamattardy sanitaizer qoldanýǵa, maska taǵyp, ony birneshe márte aýystyryp otyrýǵa, áleýmettik araqashyqtyq saqtaýǵa shaqyramyn», - deidi elimizdiń tanymal ánshisi.
Sonymen qatar ol el azmattaryn ata-analary men jaqyndary jaiynda oilaýǵa, bógde adamdarmen qarym-qatynasty barynsha shekteýge úndedi.
«Qazir onlain kontsertke daiyndyq júrgizip jatyrmyn. Ázirshe úlken zalǵa tyńdarmanymdy jinai almaimyn. Bul óte qaýipti. Óitkeni, zalda eń aldymen ata-anam otyrady. Al bireý infektsiia alyp kelse ne bolmaq? Ata-analaryńyzdy, jaqyndaryńyzdy, ini-qaryndastaryńyzdy oilańyzdar. Olardy oilaǵan kezde birden bailanysty barynsha shekteýge tyrysasyń. Qudai saqtasyn, bul infektsiiasyny juqtyryp alsań, jaqyndaryńdy da aýyrtyp alýyń múmkin», - dedi Álisher Karimov.
