Qazaqstandyq gimnast Alina Ádilhanova kórkem gimnastikadan Aziia chempionatynda top jardy, dep habarlaidy "Ult aqparat".
QR Ulttyq Olimpiada komitetinen málim etkendei, ol Aziia chempionatynda urshyq jattyǵýy boiynsha 24.00 upai enshiledi. Al Ózbekstan ókili Tahmina Ikramova ekinshi orynnan kórinse, qytailyq Iating Jao úzdik úshtikti qorytyndylady.
Sondai-aq qazaqstandyq taǵy bir gimnast – Adilia Tilekenova qola medal jeńip aldy. Ol júldeni lentamen jattyǵýda ie boldy. Birinshi oryn - Ia.Jaoǵa, ekinshi oryn T.Ikramovaǵa buiyrdy.
Aita keteiik, buǵan deiin Alina Ádilhanova eki «kúmis» alǵan bolatyn.
Kórkem gimnastikadan Aziia chempionaty Tashkentte ótip jatyr.
