Ózbekstan astanasy Tashkentte kórkem gimnastikadan litsenziialyq Aziia birinshiligi ótip jatyr. Jarysqa Qazaqstan atynan Alina Ádilhanova men Adilia Tilekenova qatysty, dep habarlaidy Olympic.kz.
Shyǵyrshyqpen jattyǵýda Alina 23.05 upaimen kúmis medal ielendi. Bul baǵdarlama boiynsha ózbekstandyq Tahmina Ikromova top jarsa, qola júldeni qytailyq Iating Jao jeńip aldy.
Doppen jattyǵýda da Ádilhanova altynǵa qol sozym jerden toqtady. Ol 23.70 upaimen kúmisti qanaǵat tutty. Altyn medaldi ózbekstandyq Ekaterina Fetisova, qolany Ońtústik Koreia ókili Cheon Kim enshilegen.
Adilia Tilekenova shyǵyrshyqpen jattyǵýda 5-shi, doppen jattyǵýda 6-shy oryn ielendi.
