Foto: ashyq derekkóz
Shymkent qalasy Qarataý aýdanynyń prokýratýrasy aliment óndirý týraly sot aktileriniń oryndalýyn qamtamasyz etý maqsatynda naqty sharalar qabyldaýda, dep habarlaidy Ult.kz.
Aǵymdaǵy jyly prokýratýra bastamasymen 38 boryshkerge qatysty QK-niń 139-babymen tirkelgen qylmystyq ister sotqa joldanyp, boryshkerlerge qatysty sot úkimderi shyqty.
Bul Respýblika boiynsha aliment tóleý mindetin oryndamaǵan boryshkerlerge qatysty tirkelip sotqa joldanǵan qylmystyq isterdiń 9% quraýda.
Sońǵy sot úkimi boiynsha 4 mln teńge aliment bereshegi bar boryshker QK-tiń 139-babymen kináli dep tanylyp, 6 ai merzimge bas bostandyǵynan aiyrý jazasy taǵaiyndaldy.
Aýdan prokýratýrasy kámeletke tolmaǵan balalardy asyraýǵa aliment tólemegeni úshin QK-tiń 139-baby boiynsha 2 jylǵa deiin bas bostandyǵynan aiyrý jazasy qarastyrylǵanyn eskertedi.
Aldaǵy ýaqytta qala prokýratýrasynyń uiymdastyrýmen osy baǵytta jumystar óz jalǵasyn tabady.
