Ádilet ministri Marat Beketaev «Aliment tóleý qoryna» qarajat jinalyp jatqanyn málim etti, dep habarlaidy QazAqparat.
«Aliment tóleý qory» atty jeke sot oryndaýshylardyń respýblikalyq palatasynyń janynan arnaiy áleýmettik qor quryldy. Qazirgi tańda turaqty jumysyn qamtamasyz etý úshin osy qorǵa qarajat jinaý kezeńi ótip jatyr. Bul aqshany taratpas buryn ony aldymen jinap alaiyq dep otyrmyz», - dedi Marat Beketaevqa OKQ-da ótken baspasóz máslihatynda.
Ministrdiń aitýynsha, qorǵa jinalǵan qarajat arnaiy tártippen taratylady.
«Aliment alýy tiis azamattardyń bárine birdei aqsha berý múmkin emes ekenin birden aitaiyn. Sebebi aqsha báriniń qajettiligin óteýge báribir jetpeidi. Syily ári abyroily adamdardan turatyn arnaiy komissiia quryldy. Ony burynǵy senator Serik Baiseiituly Aqylbai basqarady. Onyń quramyndaǵy múshelerdiń tizimin jeke sot oryndaýshylardyń respýblikalyq palatasynyń saitynan kóre alasyz. Naqty sol adamdar kimge qandai kómek beriletini týraly sheshim qabyldaidy. Qarajat tek muqtaj azamattarǵa beriledi», - dedi ol.
Onyń sózinshe, bir adamǵa 1 million teńgeden artyq berilmeidi.
«Naqty sheshimdi qorǵa qarajat jinaý jumysy aiaqtalǵannan keiin qabyldaimyz», - dedi Marat Beketaev.
