Premer-Ministr Álihan Smaiylov ulttyq ekonomika, energetika, indýstriia jáne infraqurylymdyq damý, densaýlyq saqtaý, aqparat jáne qoǵamdyq damý, mádeniet jáne sport, ádilet ministrlikteriniń ujymdaryna jańa basshylaryn tanystyrdy, dep habarlaidy "Ult aqparat" primeminister.kz saityna silteme jasap.
«Ulttyq ekonomika ministrligi Úkimet negizgi qurylymy bolyp tabylady. Sizdiń ministrliktiń aldynda elimizdiń áleýmettik-ekonomikalyq damýynyń jańa saiasatyn iske asyrý boiynsha úlken mindetter tur. Memleket basshysy ekonomikalyq damý sapasyn jáne azamattarymyzdyń ál-aýqatyn arttyrýǵa baǵyttalǵan tereń qurylymdyq ekonomikalyq reformalar júrgizý boiynsha mindetter qoidy», — dedi Premer-Ministr ulttyq ekonomika ministri Álibek Qýantyrovty tanystyra otyryp.
Energetika ministrliginiń ujymynyń aldynda sóilegen sózinde Úkimet basshysy munai ónimderiniń, gazdyń jáne elektr energiiasynyń tapshylyǵyna, baǵanyń negizsiz ósýine jol bermeý qajettigin atap ótti.
«Geologiialyq barlaý, munai-gaz himiiasy men atom ónerkásibin damytý, sondai-aq iri munai-gaz jobalaryn keńeitý máselelerine erekshe nazar aýdarý qajet», — dedi Smaiylov energetika ministri Bolat Aqsholaqovty tanystyra otyryp.
Ministrler kabinetiniń basshysy indýstriia jáne infraqurylymdyq damý ministri Qaiyrbek Óskenbaevty ujymyna tanystyrdy.
«Sizdiń ministrliktiń aldyna ónerkásipti, qurylysty, kólik jáne kommýnaldyq infraqurylymdy damytý boiynsha óte aýqymdy mindetter qoiyldy. Elimizdiń odan ári ekonomikalyq ósýi jáne óńirlerdiń biryńǵai damýy úshin jaqynda «Qýatty óńirler – el damýynyń draiveri» ulttyq jobasy qabyldandy, onyń sheńberinde respýblikalyq jáne jergilikti mańyzy bar avtomobil joldaryn salý, rekonstrýktsiialaý boiynsha basym jobalar aiqyndaldy. Bul jumysty sapaly jáne ýaqytyly júrgizý qajet. Memleket basshysy Qazaqstan halqyna Joldaýynda óńdeý ónerkásibiniń ósimin 2025 jylǵa qarai 1,5 esege jetkizýdi tapsyrdy. Importty almastyrý, ekonomikanyń básekege qabiletti salalarynda investitsiialyq jobalardy iske asyrý jumystaryn kúsheitý qajet», — dedi Álihan Smaiylov.
Sondai-aq Densaýlyq saqtaý ministri Ajar Ǵiniiatty vedomstvo ujymyna tanystyra otyryp, elimizdiń meditsina qyzmetkerleri pandemiiamen kúrestiń aldyńǵy shebinde turǵanyn atap ótti.
«Qazir búkil álemde aýrýdy juqtyrý ósiminiń jańa tolqyny baiqalady. Jaǵdaidy naqty baqylaýda ustap, aýrýdyń odan ári taralý stsenariilerin durys quryp, monitoring jasaý qajet. Otandyq densaýlyq saqtaý júiesin damytý deńgeiin odan ári arttyryp, halyqqa meditsinalyq qyzmet kórsetý sapasyn jaqsartý qajet», — dedi Smaiylov.
Budan bólek, Premer-Ministr aqparat jáne qoǵamdyq damý ministri Asqar Ýmarovty tanystyrdy.
«Ministrlikke azamattyq qoǵam men memlekettiń ózara is-qimyly, ultaralyq qatynastardy nyǵaitý boiynsha úlken jaýapkershilik júktelgen. Qazir bul buryn-sońdy bolmaǵan mańyzǵa ie. Dini jáne konfessiiaaralyq kelisim máseleleri jónindegi jumysty kúsheitý qajet. Jastarymyzdyń destrýktivti aǵymdarǵa tartylmaýy mańyzdy», — degen Smaiylov jastar saiasatyna, otbasy jáne aqparattyq saiasatqa basa nazar aýdarý qajettigin atap ótti.
Úkimet basshysy mádeniet jáne sport ministri Dáýren Abaevty tanystyra otyryp, otandyq sportty damytýda sony serpilis jasaýdyń, mádeniet pen týrizm salasyn odan ári damytýdyń mańyzdylyǵyna toqtaldy.
Sonymen qatar Álihan Smaiylov Ádilet ministri Qanat Mýsindi tanystyrdy.
«Ádilet ministrliginiń aldynda memleketti quqyqtyq qamtamasyz etý boiynsha tiimdi jumys isteýdi odan ári júzege asyrý, zań jobalaý qyzmetiniń sapasyna jáne ony úilestirýge basa kóńil bólý, Úkimettiń biylǵy Zań jobalaý jumystarynyń josparyn naqty oryndaý mindeti tur. Memleket basshysy kótergen quqyq qorǵaý salasyn keshendi jańǵyrtý máselesin sheshýge erekshe nazar aýdarý qajet», — dedi Premer-ministr.
