پرەمەر-مينيستر ەليحان سمايىلوۆ ۇلتتىق ەكونوميكا, ەنەرگەتيكا, يندۋسترييا جەنە ينفراقۇرىلىمدىق دامۋ, دەنساۋلىق ساقتاۋ, اقپارات جەنە قوعامدىق دامۋ, مەدەنيەت جەنە سپورت, ەدٸلەت مينيسترلٸكتەرٸنٸڭ ۇجىمدارىنا جاڭا باسشىلارىن تانىستىردى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
«ۇلتتىق ەكونوميكا مينيسترلٸگٸ ٷكٸمەت نەگٸزگٸ قۇرىلىمى بولىپ تابىلادى. سٸزدٸڭ مينيسترلٸكتٸڭ الدىندا ەلٸمٸزدٸڭ ەلەۋمەتتٸك-ەكونوميكالىق دامۋىنىڭ جاڭا ساياساتىن ٸسكە اسىرۋ بويىنشا ٷلكەن مٸندەتتەر تۇر. مەملەكەت باسشىسى ەكونوميكالىق دامۋ ساپاسىن جەنە ازاماتتارىمىزدىڭ ەل-اۋقاتىن ارتتىرۋعا باعىتتالعان تەرەڭ قۇرىلىمدىق ەكونوميكالىق رەفورمالار جٷرگٸزۋ بويىنشا مٸندەتتەر قويدى», — دەدٸ پرەمەر-مينيستر ۇلتتىق ەكونوميكا مينيسترٸ ەلٸبەك قۋانتىروۆتى تانىستىرا وتىرىپ.
ەنەرگەتيكا مينيسترلٸگٸنٸڭ ۇجىمىنىڭ الدىندا سٶيلەگەن سٶزٸندە ٷكٸمەت باسشىسى مۇناي ٶنٸمدەرٸنٸڭ, گازدىڭ جەنە ەلەكتر ەنەرگيياسىنىڭ تاپشىلىعىنا, باعانىڭ نەگٸزسٸز ٶسۋٸنە جول بەرمەۋ قاجەتتٸگٸن اتاپ ٶتتٸ.
«گەولوگييالىق بارلاۋ, مۇناي-گاز حيميياسى مەن اتوم ٶنەركەسٸبٸن دامىتۋ, سونداي-اق ٸرٸ مۇناي-گاز جوبالارىن كەڭەيتۋ مەسەلەلەرٸنە ەرەكشە نازار اۋدارۋ قاجەت», — دەدٸ سمايىلوۆ ەنەرگەتيكا مينيسترٸ بولات اقشولاقوۆتى تانىستىرا وتىرىپ.
مينيسترلەر كابينەتٸنٸڭ باسشىسى يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆتى ۇجىمىنا تانىستىردى.
«سٸزدٸڭ مينيسترلٸكتٸڭ الدىنا ٶنەركەسٸپتٸ, قۇرىلىستى, كٶلٸك جەنە كوممۋنالدىق ينفراقۇرىلىمدى دامىتۋ بويىنشا ٶتە اۋقىمدى مٸندەتتەر قويىلدى. ەلٸمٸزدٸڭ ودان ەرٸ ەكونوميكالىق ٶسۋٸ جەنە ٶڭٸرلەردٸڭ بٸرىڭعاي دامۋى ٷشٸن جاقىندا «قۋاتتى ٶڭٸرلەر – ەل دامۋىنىڭ درايۆەرٸ» ۇلتتىق جوباسى قابىلداندى, ونىڭ شەڭبەرٸندە رەسپۋبليكالىق جەنە جەرگٸلٸكتٸ ماڭىزى بار اۆتوموبيل جولدارىن سالۋ, رەكونسترۋكتسييالاۋ بويىنشا باسىم جوبالار ايقىندالدى. بۇل جۇمىستى ساپالى جەنە ۋاقىتىلى جٷرگٸزۋ قاجەت. مەملەكەت باسشىسى قازاقستان حالقىنا جولداۋىندا ٶڭدەۋ ٶنەركەسٸبٸنٸڭ ٶسٸمٸن 2025 جىلعا قاراي 1,5 ەسەگە جەتكٸزۋدٸ تاپسىردى. يمپورتتى الماستىرۋ, ەكونوميكانىڭ بەسەكەگە قابٸلەتتٸ سالالارىندا ينۆەستيتسييالىق جوبالاردى ٸسكە اسىرۋ جۇمىستارىن كٷشەيتۋ قاجەت», — دەدٸ ەليحان سمايىلوۆ.
سونداي-اق دەنساۋلىق ساقتاۋ مينيسترٸ اجار عينيياتتى ۆەدومستۆو ۇجىمىنا تانىستىرا وتىرىپ, ەلٸمٸزدٸڭ مەديتسينا قىزمەتكەرلەرٸ پاندەمييامەن كٷرەستٸڭ الدىڭعى شەبٸندە تۇرعانىن اتاپ ٶتتٸ.
«قازٸر بٷكٸل ەلەمدە اۋرۋدى جۇقتىرۋ ٶسٸمٸنٸڭ جاڭا تولقىنى بايقالادى. جاعدايدى ناقتى باقىلاۋدا ۇستاپ, اۋرۋدىڭ ودان ەرٸ تارالۋ ستسەنارييلەرٸن دۇرىس قۇرىپ, مونيتورينگ جاساۋ قاجەت. وتاندىق دەنساۋلىق ساقتاۋ جٷيەسٸن دامىتۋ دەڭگەيٸن ودان ەرٸ ارتتىرىپ, حالىققا مەديتسينالىق قىزمەت كٶرسەتۋ ساپاسىن جاقسارتۋ قاجەت», — دەدٸ سمايىلوۆ.
بۇدان بٶلەك, پرەمەر-مينيستر اقپارات جەنە قوعامدىق دامۋ مينيسترٸ اسقار ۋماروۆتى تانىستىردى.
«مينيسترلٸككە ازاماتتىق قوعام مەن مەملەكەتتٸڭ ٶزارا ٸس-قيمىلى, ۇلتارالىق قاتىناستاردى نىعايتۋ بويىنشا ٷلكەن جاۋاپكەرشٸلٸك جٷكتەلگەن. قازٸر بۇل بۇرىن-سوڭدى بولماعان ماڭىزعا يە. دٸني جەنە كونفەسسيياارالىق كەلٸسٸم مەسەلەلەرٸ جٶنٸندەگٸ جۇمىستى كٷشەيتۋ قاجەت. جاستارىمىزدىڭ دەسترۋكتيۆتٸ اعىمدارعا تارتىلماۋى ماڭىزدى», — دەگەن سمايىلوۆ جاستار ساياساتىنا, وتباسى جەنە اقپاراتتىق ساياساتقا باسا نازار اۋدارۋ قاجەتتٸگٸن اتاپ ٶتتٸ.
ٷكٸمەت باسشىسى مەدەنيەت جەنە سپورت مينيسترٸ دەۋرەن اباەۆتى تانىستىرا وتىرىپ, وتاندىق سپورتتى دامىتۋدا سونى سەرپٸلٸس جاساۋدىڭ, مەدەنيەت پەن تۋريزم سالاسىن ودان ەرٸ دامىتۋدىڭ ماڭىزدىلىعىنا توقتالدى.
سونىمەن قاتار ەليحان سمايىلوۆ ەدٸلەت مينيسترٸ قانات مۋسيندٸ تانىستىردى.
«ەدٸلەت مينيسترلٸگٸنٸڭ الدىندا مەملەكەتتٸ قۇقىقتىق قامتاماسىز ەتۋ بويىنشا تيٸمدٸ جۇمىس ٸستەۋدٸ ودان ەرٸ جٷزەگە اسىرۋ, زاڭ جوبالاۋ قىزمەتٸنٸڭ ساپاسىنا جەنە ونى ٷيلەستٸرۋگە باسا كٶڭٸل بٶلۋ, ٷكٸمەتتٸڭ بيىلعى زاڭ جوبالاۋ جۇمىستارىنىڭ جوسپارىن ناقتى ورىنداۋ مٸندەتٸ تۇر. مەملەكەت باسشىسى كٶتەرگەن قۇقىق قورعاۋ سالاسىن كەشەندٸ جاڭعىرتۋ مەسەلەسٸن شەشۋگە ەرەكشە نازار اۋدارۋ قاجەت», — دەدٸ پرەمەر-مينيستر.
