QR Parlamenti Májilisi Premer-Ministrdiń Birinshi orynbasary - Qarjy ministri kandidatýrasyn maquldady, dep habarlaidy "Ult aqparat" Májilistiń baspasóz qyzmetine silteme jasap.
Bul qyzmetke QR Qarjy ministri Álihan Smaiylov bekitildi. Bul talqylaý Qarjy jáne biýdjet boiynsha QR Parlamenti Májilisiniń komitetiniń otyrysynda «QR Parlamenti men onyń depýtattarynyń mártebesi týraly» QR Konstitýtsiialyq zańynyń 22-1 babyna sáikes qaraldy.
QR Permer-Ministriniń tapsyrmasymen kandidatýrany QR Premer-Ministri Keńsesiniń jetekshisi Nurlan Aldabergenov usyndy.
Nurlan Aldabergenov Álihan Smaiylovtyń qarjylyq salada mol tájiribesi bar ekenin jáne qajetti basqarý quziretterine ie ekenin atap ótti.
Májilis Komitetiniń músheleri Á. Smaiylovaqa birneshe suraq qoidy jáne talqylaýdan keiin tiisti Tujyrymdama bekitti.
Qujatta QR Parlamenti Májilisiniń Qarjy jáne biýdjet komitetiniń «QR Parlamenti men onyń depýtattarynyń mártebesi týraly» QR Konstitýtsiialyq zańynyń 22-1 babyna sáikes, QR Premer-Ministri usynǵan Smaiylov Álihan Ashanulynyń kandidatýrasyn qarastyryp, ony QR Premer-Ministriniń Birinshi orynbasary - Qarjy ministri laýazymyna usynýǵa bolady dep esepteitini aitylǵan.
Álihan Ashanuly Smaiylov 1972 jyly týǵan. 1994 jyly ál-Farabi atyndaǵy Qazaq memlekettik ulttyq ýniversitetin qoldanbaly matematika mamandyǵy boiynsha bitirgen. 1996 jyly Qazaqstan Respýblikasy Prezidenti janyndaǵy Qazaq menedjment, ekonomika jáne boljaý institýtyn tamamdap, memlekettik basqarý magistri dárejesin alǵan.
1993-1995 jyldary - «A-Invest» investitsiialyq-jekeshelendirý qorynyń bas mamany. 1996-1998 jyldary - QR Ulttyq statistika agenttiginiń basqarma bastyǵynyń orynbasary, basqarma bastyǵy. 1998 jyldyń naýryzy men sáýiri aralyǵynda - QR Statistikalyq josparlaý jáne reformalar agenttiginiń Statistika jáne taldaý komiteti tóraǵasynyń orynbasary.
1998-1999 jyldary - QR Prezidenti Ákimshiliginde bas sarapshy, sektor meńgerýshisi, memlekettik inspektor. 1999-2003 jyldary - QR Statistitka agenttiginiń tóraǵasy. 2003 jylǵy aqpan men shilde aralyǵynda - QR Syrtqy ister vitse-ministri. 2003-2006 jyldary - «Eksporttyq kreditter men investitsiialardy saqtandyrý jónindegi memlekettik saqtandyrý kompaniiasy» AQ basqarmasynyń tóraǵasy. 2006-2007 jyldary - QR Qarjy vitse-ministri. 2007-2008 jyldary - «QazAgro» Ulttyq holdingi» AQ prezidenti. 2008-2009 jyldary - QR Qarjy vitse-ministri. 2009-2014 jyldary - QR Respýblikasy Statistika agenttiginiń tóraǵasy. 2014-2015 jyldary - QR Ulttyq ekonomika ministrliginiń Statistika komitetiniń tóraǵasy. 2015 jylǵy jeltoqsanda Memleket basshysynyń Jarlyǵymen Qazaqstan Respýblikasy Prezidentiniń kómekshisi bolyp taǵaiyndalǵan edi.
Búgingi taǵaiyndaýǵa deiin QR Qarjy ministri qyzmetin atqardy.
«Qurmet» ordenimen, «Eren eńbegi úshin», «Qazaqstan táýelsizdigine 10 jyl», «Qazaqstan Konstitýtsiiasyna 10 jyl», «Astanaǵa 10 jyl» medaldarymen marapattalǵan. «1 rangty keńesshi» diplomatiialyq rangy bar.
