Búgin Premer-Ministr Álihan Smaiylov pen QR Prezidenti Ákimshiliginiń Basshysy Murat Nurtileý Túrkistan qalasyna kelip, Túrkistan oblysynyń barlyq deńgeidegi máslihat depýtattarynyń jinalysyna qatysty, dep habarlaidy "Ult aqparat" primeminister.kz saityna silteme jasap.
Úkimet basshysy depýtattarǵa QR Prezidentiniń oblys ákimi qyzmetine Ulasbek Sádibekov pen Darhan Satybaldynyń kandidatýralaryn qaraýǵa engizý týraly hatyn oqyp berdi.
Álihan Smaiylov kandidattardyń árqaisysynyń óńirdi basqarý úshin kásibi tájiribesi, mol jáne qajetti quzyretteri bar ekenin atap ótti.
Daýys berý nátijesi boiynsha 286 depýtattyń 200-i Darhan Satybaldynyń kandidatýrasyn jaqtasa, 86 depýtat Ulasbek Sádibekovti tańdady.
Premer-ministr oblys aktivine jańa ákimdi tanystyra otyryp, QR Prezidenti óńir basshylyǵynyń aldyna azamattardyń ál-aýqatyn arttyrý, týrizmdi, agroónerkásip keshenin jáne basqa da salalardy damytý boiynsha mindetter qoiǵanyn atap ótti.
Máselen, Túrkistan oblysyn damytýdyń 2025 jylǵa deiingi keshendi jospary aiasynda birqatar mańyzdy jobalardy iske asyrý kózdelgen, onyń ishinde jańa ónim shyǵarý, joldardy jańǵyrtý, turaqty jumys oryndaryn qurý jáne jalpy azamattardyń ómir súrý sapasyn jaqsartý boiynsha jobalar bar.
«Óńir basshylyǵy ekonomikany barynsha ártaraptandyrý boiynsha jumysty jandandyrýy qajet. Turǵyndardy jumyspen qamtyp, azyq-túlik ónimderi baǵasynyń ósýin tejeý, halyqty gazben jáne sýmen jabdyqtaý, sondai-aq mekteptegi oryn jetispeýshiligin joiý máselelerine birinshi kezekte nazar aýdarý qajet», — dedi Premer-Ministr.
Bul oraida Úkimet basshysy oblys ákimdiginiń jumysy halyqpen tiimdi dialog negizinde qurylýy tiis ekenine nazar aýdardy. Álihan Smaiylov qazirgi ýaqytta týrizmniń oblys ekonomikasynyń negizgi salalarynyń biri ekenin, sondyqtan otandyq jáne sheteldik týrister úshin qolaily jaǵdai jasaý jónindegi jumysty jalǵastyrý qajettigin atap ótti.
Premer-Ministr Ómirzaq Shókeevke mańyzdy halyqaralyq, saiasi jáne mádeni oqiǵalar bolyp turatyn eń ádemi oblys ortalyqtarynyń birine ainalǵan Túrkistan qalasynyń jáne óńirdiń damýyna qosqan zor úlesi úshin alǵys aitty.
Aita keteiik, óńirdiń burynǵy basshysy bergen ótinishine sáikes qyzmetinen bosatylǵan edi.
