بٷگٸن پرەمەر-مينيستر ەليحان سمايىلوۆ پەن قر پرەزيدەنتٸ ەكٸمشٸلٸگٸنٸڭ باسشىسى مۇرات نۇرتٸلەۋ تٷركٸستان قالاسىنا كەلٸپ, تٷركٸستان وبلىسىنىڭ بارلىق دەڭگەيدەگٸ مەسليحات دەپۋتاتتارىنىڭ جينالىسىنا قاتىستى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ٷكٸمەت باسشىسى دەپۋتاتتارعا قر پرەزيدەنتٸنٸڭ وبلىس ەكٸمٸ قىزمەتٸنە ۇلاسبەك سەدٸبەكوۆ پەن دارحان ساتىبالدىنىڭ كانديداتۋرالارىن قاراۋعا ەنگٸزۋ تۋرالى حاتىن وقىپ بەردٸ.
ەليحان سمايىلوۆ كانديداتتاردىڭ ەرقايسىسىنىڭ ٶڭٸردٸ باسقارۋ ٷشٸن كەسٸبي تەجٸريبەسٸ, مول جەنە قاجەتتٸ قۇزىرەتتەرٸ بار ەكەنٸن اتاپ ٶتتٸ.
داۋىس بەرۋ نەتيجەسٸ بويىنشا 286 دەپۋتاتتىڭ 200-ٸ دارحان ساتىبالدىنىڭ كانديداتۋراسىن جاقتاسا, 86 دەپۋتات ۇلاسبەك سەدٸبەكوۆتٸ تاڭدادى.
پرەمەر-مينيستر وبلىس اكتيۆٸنە جاڭا ەكٸمدٸ تانىستىرا وتىرىپ, قر پرەزيدەنتٸ ٶڭٸر باسشىلىعىنىڭ الدىنا ازاماتتاردىڭ ەل-اۋقاتىن ارتتىرۋ, تۋريزمدٸ, اگروٶنەركەسٸپ كەشەنٸن جەنە باسقا دا سالالاردى دامىتۋ بويىنشا مٸندەتتەر قويعانىن اتاپ ٶتتٸ.
مەسەلەن, تٷركٸستان وبلىسىن دامىتۋدىڭ 2025 جىلعا دەيٸنگٸ كەشەندٸ جوسپارى اياسىندا بٸرقاتار ماڭىزدى جوبالاردى ٸسكە اسىرۋ كٶزدەلگەن, ونىڭ ٸشٸندە جاڭا ٶنٸم شىعارۋ, جولداردى جاڭعىرتۋ, تۇراقتى جۇمىس ورىندارىن قۇرۋ جەنە جالپى ازاماتتاردىڭ ٶمٸر سٷرۋ ساپاسىن جاقسارتۋ بويىنشا جوبالار بار.
«ٶڭٸر باسشىلىعى ەكونوميكانى بارىنشا ەرتاراپتاندىرۋ بويىنشا جۇمىستى جانداندىرۋى قاجەت. تۇرعىنداردى جۇمىسپەن قامتىپ, ازىق-تٷلٸك ٶنٸمدەرٸ باعاسىنىڭ ٶسۋٸن تەجەۋ, حالىقتى گازبەن جەنە سۋمەن جابدىقتاۋ, سونداي-اق مەكتەپتەگٸ ورىن جەتٸسپەۋشٸلٸگٸن جويۋ مەسەلەلەرٸنە بٸرٸنشٸ كەزەكتە نازار اۋدارۋ قاجەت», — دەدٸ پرەمەر-مينيستر.
بۇل ورايدا ٷكٸمەت باسشىسى وبلىس ەكٸمدٸگٸنٸڭ جۇمىسى حالىقپەن تيٸمدٸ ديالوگ نەگٸزٸندە قۇرىلۋى تيٸس ەكەنٸنە نازار اۋداردى. ەليحان سمايىلوۆ قازٸرگٸ ۋاقىتتا تۋريزمنٸڭ وبلىس ەكونوميكاسىنىڭ نەگٸزگٸ سالالارىنىڭ بٸرٸ ەكەنٸن, سوندىقتان وتاندىق جەنە شەتەلدٸك تۋريستەر ٷشٸن قولايلى جاعداي جاساۋ جٶنٸندەگٸ جۇمىستى جالعاستىرۋ قاجەتتٸگٸن اتاپ ٶتتٸ.
پرەمەر-مينيستر ٶمٸرزاق شٶكەەۆكە ماڭىزدى حالىقارالىق, ساياسي جەنە مەدەني وقيعالار بولىپ تۇراتىن ەڭ ەدەمٸ وبلىس ورتالىقتارىنىڭ بٸرٸنە اينالعان تٷركٸستان قالاسىنىڭ جەنە ٶڭٸردٸڭ دامۋىنا قوسقان زور ٷلەسٸ ٷشٸن العىس ايتتى.
ايتا كەتەيٸك, ٶڭٸردٸڭ بۇرىنعى باسشىسى بەرگەن ٶتٸنٸشٸنە سەيكەس قىزمەتٸنەن بوساتىلعان ەدٸ.
