Álihan Smaiylov Premer-Ministriniń birinshi orynbasary bolyp taǵaiyndaldy, dep habarlaidy "Ult aqparat".
«Álihan Ashanuly Smaiylov Qazaqstan Respýblikasy Premer-Ministriniń birinshi orynbasary bolyp taǵaiyndalsyn, ol burynǵy atqarǵan qyzmetinen bosatylsyn», - delingen Aqorda saitynda jariialanǵan QR Prezidenti Qasym-Jomart Toqaevtyń Jarlyǵynda.
Álihan Ashanuly Smaiylov 1972 jyly 18 jeltoqsanda Almaty qalasynda dúniege kelgen. Bilimi joǵary, Ál-Farabi atyndaǵy Qazaq memlekettik ulttyq ýniversitetin bitirgen, mamandyǵy: qoldanbaly matematika. QR Prezidenti janyndaǵy Qazaq menedjment, ekonomika jáne boljaý institýtyn aiaqtaǵan, mamandyǵy: memlekettik basqarý.
Eńbek jolyn 1993 jyly «A-Invest» Investitsiialyq-jekeshelendirý qorynda bastady.
1995 jyldyń jeltoqsany - 1996 jyldyń tamyzy aralyǵynda – Almaty qalasy ákimshiliginiń Saýda jáne ónerkásip bóliminiń bas mamany;
1994 jyldyń maýsymy - 1996 jyldyń mamyry aralyǵynda - QR Prezidenti janyndaǵy Qazaq menedjment, ekonomika jáne boljaý institýtynyń stýdenti;
1996 jyldyń tamyzy - 1998 jyldyń naýryzy aralyǵynda – QR Ulttyq statistika agenttiginde basqarma bastyǵynyń orynbasary, basqarma bastyǵy;
1998 jyldyń naýryzy - 1998 jyldyń sáýiri aralyǵynda - QR Statistikalyq josparlaý jáne reforma jónindegi agenttiginiń Statistika jáne taldaý komiteti tóraǵasynyń orynbasary;
1998 jyldyń sáýiri - 1999 jyldyń qarashasy aralyǵynda – QR Prezidenti Ákimshiliginiń memlekettik inspektory;
1999 jyldyń qarashasy - 2003 jyldyń aqpany aralyǵynda – QR Statistitka agenttiginiń tóraǵasy;
2003 jyldyń aqpany - 2003 jyldyń maýsymy aralyǵynda – QR Syrtqy ister ministrliginiń vitse-ministri;
2003 jyldyń maýsymy - 2006 jyldyń qańtary aralyǵynda – «Eksporttyq kreditter men investitsiialardy saqtandyrý jónindegi memlekettik saqtandyrý kompaniiasy» aktsionerlik qoǵamy basqarmasynyń tóraǵasy;
2006 jyldyń aqpany - 2007 jyldyń qańtary aralyǵynda – QR Qarjy vitse-ministri;
2007 jyldyń qańtary - 2008 jyldyń qarashasy aralyǵynda - «QazAgro» Ulttyq holdingi» AQ prezidenti;
2008 jyldyń qarashasy - 2009 jyldyń qazany aralyǵynda - QR Qarjy vitse-ministri;
2009 jyldyń qazanynan bastap 2014 jyldyń tamyzy aralyǵynda – Qazaqstan Respýblikasy Statistika agenttiginiń tóraǵasy;
2014 jyldyń tamyzy - 2015 jyldyń jeltoqsany aralyǵynda - QR Ulttyq ekonomika ministrligi Statistika komitetiniń tóraǵasy;
2015 jyldyń jeltoqsany - 2018 jyldyń qyrkúiegi aralyǵynda - Qazaqstan Respýblikasy Prezidentiniń kómekshisi;
2018 jyldyń qyrkúieginen – Qazaqstan Respýblikasynyń Qarjy ministri.
2019 jyldyń aqpanynan osy ýaqytqa deiin QR Premer-Ministriniń birinshi orynbasary - QR Qarjy ministri.
Úilengen, eki balasy bar.
«Eren eńbegi úshin» medalimen, «Qurmet» ordenimen, «Qazaqstan táýelsizdigine 10 jyl», «Qazaqstan Konstitýtsiiasyna 10 jyl», «Astanaǵa 10 jyl», «Eýraziialyq ekonomikalyq odaqty qurýǵa qosqan úlesi úshin» II dárejeli medaldarymen marapattalǵan.
