QR Premer-Ministri Álihan Smaiylov ákimdikter men Bilim jáne ǵylym ministrligine pedagogterdi áleýmettik qoldaý jóninde tapsyrmalar berdi, dep habarlaidy QazAqparat tilshisi.
«Memleket basshysy 2022 jyldy Balalar jyly dep jariialady. Osyǵan orai balalardy sapaly bilim berý arqyly jan-jaqty damytatyn mańyzdy is-sharalardy qarastyrý qajet.
Mektepke deiingi bilim berýde sapany baǵalaý quraldaryn kúsheitip, balalardy erte kezden damytýdyń álemdik kórsetkishterin engizgen jón», - degen Úkimet basshysy orta bilim berýde qala men aýyl mektepterindegi oqytý sapasyn teńestirip, mektep oqýshylarynyń fýnktsionaldyq saýattylyǵyna, balanyń tulǵalyq qasietterin qalyptastyrýǵa basa mán berý qajettigin atady.
«Pedagogterdi áleýmettik qoldaý baǵdarlamasy aiasynda ákimdikter men Bilim ministrligi kadr tapshy óńirlerge ustazdardy tartý úshin qosymsha aqy tóleý, turǵyn úimen qamtamasyz etý, kommýnaldyq qyzmetterge ótemaqy tóleý jónindegi sharalardy qarastyrǵan jón.
Jaqyn ornalasqan mektepten tys uiymdardy tegin mektep úiirmelerin, sport sektsiialaryn, aýla klýbtaryn kóbeitý jumysyn júrgizý qajet. Kásiptik-tehnikalyq bilim berý júiesin reformalaýdy jalǵastyrý kerek. Onyń sapasyn, tásilderi men materialdyq-tehnikalyq qamtamasyz etilýin túbegeili ózgertken jón», - dedi Álihan Smaiylov.
