QR Premer-Ministri Álihan Smaiylovtyń tóraǵalyǵymen «Qazaqstandyq sheteldik investorlar keńesi» qaýymdastyǵynyń keńesi ótti, dep habarlaidy "Ult aqparat".
Úkimettiń baspasóz qyzmeti taratqan málimetke sensek, taraptar ónimdi tasymaldaý jáne eksporttaý, eksporttyq baǵyttar, kiberqaýipsizdik máseleleri jáne Qazaqstan Úkimeti men sheteldik kompaniialar arasyndaǵy yntymaqtastyqtyń ózge de negizgi aspektileri jóninde pikir almasty.
Álihan Smaiylov qalyptasqan senim deńgeii men ózara tiimdi yntymaqtastyqqa degen ortaq umtylys yqtimal táýekelderdi barynsha azaitýǵa, yntymaqtastyq úshin jańa perspektivalardy ashýǵa múmkindik beretinin jetkizdi.
Qazaqstan Premer-Ministri keńes jumysyna belsendi qatysqany úshin QShIKQ múshelerine alǵysyn bildirip, bizdiń elimiz jańa investorlardyń, sondai-aq Qazaqstanda jumys istep jatqan investitsiialyq qoǵamdastyqtyń syndarly usynystaryna ashyq ekenin atap ótti.
