Úkimet basshysynyń orynbasary Álihan Smaiylov eldegi qazirgi jaǵdaidy jáne álemdik koniýktýrany eskere otyryp, 2020 jylǵa arnalǵan makroekonomikalyq kórsetkishterdiń naqtylanǵanyn málim etti, dep habarlaidy "Ult aqparat".
«2020 jylǵa arnalǵan makroekonomikalyq kórsetkishterdiń naqtylanýy – eldegi qazirgi jaǵdaidy jáne álemdik koniýktýrany eskere otyryp, qalyptastyryldy. Boljam ózgeristeri naqty sektor ósiminiń saqtalýyn jáne qyzmetter salasynyń birtindip qalpyna kelýin qamtamasyz etýge baǵyttalǵan. Memleket basshysynyń tapsyrmasyna sáikes naqtylaýdyń negizgi mindeti – dárigerlerge materialdyq qoldaý kórsetý jáne pandemiianyń taralýynyń yqtimal ekinshi tolqyny boiynsha aldyn alý sharalaryn qabyldaý boldy. Osy mindetterdi sheshý úshin biýdjet shyǵystary ulǵaityldy», - dedi Álihan Smaiylov Úkimet otyrysynda.
Onyń aitýynsha, jyl sońyna deiin meditsina qyzmetkerleriniń aldyndaǵy barlyq mindetter oryndalady. Sonymen qatar shyǵyndardy ishki ońtailandyrý esebinen naqty sektordy qoldaýǵa arnalǵan shyǵystar ulǵaitylǵan.
«Parlament Májilisine barlyq material búgin engiziledi», - dedi ol.
