Sybailas jemqorlyqqa qarsy kúres agenttiginiń tóraǵasy Alik Shpekbaev Almatyda biznes qaýym ókilderimen kezdesti, dep habarlaidy "Ult aqparat".
Ashyq dialog alańynda shet elderdiń oń tájiribesi boiynsha jeke sektorda sybailas jemqorlyqqa qarsy komplaensti engizý týraly máseleler talqylandy.
Ótken jyldyń qazan aiynda Memleket basshysy sybailas jemqorlyqqa qarsy novellalardyń ekinshi paketine qol qoidy, onda komplaens sybailas jemqorlyqtyń aldyn alý quraldarynyń biri retinde aiqyndaldy. Kvazimemlekettik sektor uiymdarynda qurylymdardyń komplaensin aiqyndaý týraly norma zańnamalyq túrde engizildi, jeke kompaniialar úshin olardy qurý quqyǵy bekitildi.
Búgingi tańda álemde uiymdardyń parasattylyǵyn qamtamasyz etýdiń negizgi quraly táýelsiz komplaens qyzmetteriniń táýekelderdi basqarý jáne ishki baqylaý sheńberindegi tiimdi qyzmeti bolyp tabylatynyn atap ótken jón.
Kezdesý barysynda sybailas jemqorlyqqa qarsy komplaens institýtyn iske asyrǵan kompaniialar sóz sóilep, ózderiniń oń tájiribelerimen bólisti.
Qatysýshylar sybailas jemqorlyqqa qarsy komplaens-qyzmetter sybailas jemqorlyq táýekelderin tómendetýge eleýli áser etedi degen pikir bildirdi. Iske asyrý satysynda olardyń «tártip ornatý» fýnktsiialaryn oryndaýdaǵy derbestigi men táýelsizdigi mańyzdy bolyp tabylady. Olardyń jumysy korporativtik mádeniettegi parasattylyq baǵytyndaǵy oń ózgeristerge áser etedi.
«Sybailas jemqorlyqqa qarsy komplaens shyn máninde jumys isteitin tetik bolýy jáne uiymdardyń korporativtik mádenietiniń ajyramas bóligi bolýy osy jumystyń bárinde basty másele. Biraq bul úshin kóptegen jyldar boiy tiimdi bolatyn tetikti qarastyra otyryp, engizý kezeńinde aitarlyqtai kúsh salý qajet», - dedi Alik Shpekbaev.
Kezdesý qorytyndysy boiynsha birqatar kompaniialar óz qyzmetinde imidjdik táýekelderdi boldyrmaý úshin sybailas jemqorlyqqa qarsy komplaens engizýge niet bildirdi.
