QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev sybailas jemqorlyqqa qarsy saiasat qalai júrgizilgenin baian etti, dep habarlaidy "Ult aqparat".
«Turmystyq sybailas jemqorlyq deńgeiiniń joǵarylyǵy shekten tys biýrokratizm, qasaqana áýre-sarsańǵa salý, memlekettik mekemelerdiń jabyqtyǵy men kúndelikti jumystaǵy aiqyndyqtyń joqtyǵyna tikelei bailanysty ekeni belgili. Al ashyqtyq, aiqyndyq jáne eseptilik, tutynýshyǵa tolyq baǵdarlaný men joǵary qyzmet kórsetýge negizdelgen aqyldy tsifrlandyrý, memlekettik qyzmetshilerdiń ádep pen minsiz-júris turys úlgilerin saqtaýy – azamattardyń memlekettik institýttarǵa seniminiń basty sharty», - dep jazdy agenttik tóraǵasy Facebook paraqshasynda.
Alik Shpekbaev memlekettiń 2020 jylǵy sybailas jemqorlyqqa qarsy saiasatynyń negizgi mindetteriniń biri qala, aýdan, aýyldyq ákimdikterdi servistik úlgige kóshirý bolǵanyn jazdy.
«Biz bul jumysty memlekettik apparattyń ashyqtyǵy men tutynýshyǵa baǵdarlanýyn arttyrýǵa baǵyttalǵan respýblikalyq «Adaldyq alańy» jobasy aiasynda iske asyrdyq. Bul jobanyń Elbasynyń bastamasymen qolǵa alynǵanyn jáne «Halyq únine qulaq asatyn memleket» tujyrymdamasyn iske asyrý aiasynda Prezidenttiń qoldaýyna ie bolǵanyn atap ótken jón. Antikordyń, barlyq deńgeidegi ákimdikter men jurtshylyqtyń úilesimdi jumysynyń arqasynda 317 ákimdik servistik formatqa kóshti. Bul – oblystyq mańyzy bar qalalar men aýdandar 100 paiyz qamtyldy degen sóz. Siz «bul azamattarǵa ne beredi?» dep suraýyńyz múmkin. Birinshiden, 900 tosqaýylsyz front-keńse joǵary suranysqa ie memlekettik qyzmetterdi jedel túrde kórsetip qana qoimai, azamattarǵa kóptegen máselesi boiynsha qarapaiym jáne qoljetimdi túrde keńes berýge múmkindik beredi. Eń bastysy, bul shara qyzmettik qabattar men kabinetterdi aralamai, bir jerden kómek alý múmkindigin jasap, memlekettik qyzmetshiler men azamattar arasyndaǵy alshaqtyqty aitarlyqtai azaitady», - dedi ol.
Agenttik basshysy sonymen qatar memlekettik bilim berý jáne densaýlyq saqtaý mekemeleriniń 5 myńnan astam birinshi basshysy ózderiniń yńǵaily keńselerinen shyǵyp, birinshi qabattaǵy «áinek kabinetterde» jumys isteýge kóshkenin jetkizdi.
«Úshinshiden, 1400-den astam memlekettik mekemege engizilgen open space formatyndaǵy qyzmettik keńistik dizainy memlekettik qyzmetshilerde ashyqtyq pen aiqyndyq kúndelikti jumys standartyna ainalatyn jańa ádetterdi qalyptastyra bastady. Turmystyq jemqorlyqty joiý turǵysynan memlekettik qyzmetterdi údemeli tsifrlandyrýdy da atap ótý mańyzdy. Onyń deńgeii – qazirdiń ózinde 93%. Demek, bul osy saladaǵy turmystyq jemqorlyqtyń barynsha tómendetilgenin kórsetedi. Oǵan halyqqa 1 millionnan astam memlekettik qyzmet kórsetken servistik ákimdikterdegi «connection points» dep atalatyn tsifrlyq ózine-ózi qyzmet etý buryshtary aitarlyqtai úles qosýda», - dedi ol.
Alik Shpekbaev jazba sońynda memlekettik organdardyń jumysyn ashyqtyq, qoljetimdilik, aiqyndyq jáne eseptilik prizmasy arqyly ózgertý jalǵasa beretinin habarlady.
«Bizdiń mindetimiz – osy standarttardy búkil el aýmaǵyna engizý», - deidi ol.
