قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ سىبايلاس جەمقورلىققا قارسى ساياسات قالاي جٷرگٸزٸلگەنٸن بايان ەتتٸ, دەپ حابارلايدى "ۇلت اقپارات".
«تۇرمىستىق سىبايلاس جەمقورلىق دەڭگەيٸنٸڭ جوعارىلىعى شەكتەن تىس بيۋروكراتيزم, قاساقانا ەۋرە-سارساڭعا سالۋ, مەملەكەتتٸك مەكەمەلەردٸڭ جابىقتىعى مەن كٷندەلٸكتٸ جۇمىستاعى ايقىندىقتىڭ جوقتىعىنا تٸكەلەي بايلانىستى ەكەنٸ بەلگٸلٸ. ال اشىقتىق, ايقىندىق جەنە ەسەپتٸلٸك, تۇتىنۋشىعا تولىق باعدارلانۋ مەن جوعارى قىزمەت كٶرسەتۋگە نەگٸزدەلگەن اقىلدى تسيفرلاندىرۋ, مەملەكەتتٸك قىزمەتشٸلەردٸڭ ەدەپ پەن مٸنسٸز-جٷرٸس تۇرىس ٷلگٸلەرٸن ساقتاۋى – ازاماتتاردىڭ مەملەكەتتٸك ينستيتۋتتارعا سەنٸمٸنٸڭ باستى شارتى», - دەپ جازدى اگەنتتٸك تٶراعاسى Facebook پاراقشاسىندا.
اليك شپەكباەۆ مەملەكەتتٸڭ 2020 جىلعى سىبايلاس جەمقورلىققا قارسى ساياساتىنىڭ نەگٸزگٸ مٸندەتتەرٸنٸڭ بٸرٸ قالا, اۋدان, اۋىلدىق ەكٸمدٸكتەردٸ سەرۆيستٸك ٷلگٸگە كٶشٸرۋ بولعانىن جازدى.
«بٸز بۇل جۇمىستى مەملەكەتتٸك اپپاراتتىڭ اشىقتىعى مەن تۇتىنۋشىعا باعدارلانۋىن ارتتىرۋعا باعىتتالعان رەسپۋبليكالىق «ادالدىق الاڭى» جوباسى اياسىندا ٸسكە اسىردىق. بۇل جوبانىڭ ەلباسىنىڭ باستاماسىمەن قولعا الىنعانىن جەنە «حالىق ٷنٸنە قۇلاق اساتىن مەملەكەت» تۇجىرىمداماسىن ٸسكە اسىرۋ اياسىندا پرەزيدەنتتٸڭ قولداۋىنا يە بولعانىن اتاپ ٶتكەن جٶن. انتيكوردىڭ, بارلىق دەڭگەيدەگٸ ەكٸمدٸكتەر مەن جۇرتشىلىقتىڭ ٷيلەسٸمدٸ جۇمىسىنىڭ ارقاسىندا 317 ەكٸمدٸك سەرۆيستٸك فورماتقا كٶشتٸ. بۇل – وبلىستىق ماڭىزى بار قالالار مەن اۋداندار 100 پايىز قامتىلدى دەگەن سٶز. سٸز «بۇل ازاماتتارعا نە بەرەدٸ?» دەپ سۇراۋىڭىز مٷمكٸن. بٸرٸنشٸدەن, 900 توسقاۋىلسىز فرونت-كەڭسە جوعارى سۇرانىسقا يە مەملەكەتتٸك قىزمەتتەردٸ جەدەل تٷردە كٶرسەتٸپ قانا قويماي, ازاماتتارعا كٶپتەگەن مەسەلەسٸ بويىنشا قاراپايىم جەنە قولجەتٸمدٸ تٷردە كەڭەس بەرۋگە مٷمكٸندٸك بەرەدٸ. ەڭ باستىسى, بۇل شارا قىزمەتتٸك قاباتتار مەن كابينەتتەردٸ ارالاماي, بٸر جەردەن كٶمەك الۋ مٷمكٸندٸگٸن جاساپ, مەملەكەتتٸك قىزمەتشٸلەر مەن ازاماتتار اراسىنداعى الشاقتىقتى ايتارلىقتاي ازايتادى», - دەدٸ ول.
اگەنتتٸك باسشىسى سونىمەن قاتار مەملەكەتتٸك بٸلٸم بەرۋ جەنە دەنساۋلىق ساقتاۋ مەكەمەلەرٸنٸڭ 5 مىڭنان استام بٸرٸنشٸ باسشىسى ٶزدەرٸنٸڭ ىڭعايلى كەڭسەلەرٸنەن شىعىپ, بٸرٸنشٸ قاباتتاعى «ەينەك كابينەتتەردە» جۇمىس ٸستەۋگە كٶشكەنٸن جەتكٸزدٸ.
«ٷشٸنشٸدەن, 1400-دەن استام مەملەكەتتٸك مەكەمەگە ەنگٸزٸلگەن open space فورماتىنداعى قىزمەتتٸك كەڭٸستٸك ديزاينى مەملەكەتتٸك قىزمەتشٸلەردە اشىقتىق پەن ايقىندىق كٷندەلٸكتٸ جۇمىس ستاندارتىنا اينالاتىن جاڭا ەدەتتەردٸ قالىپتاستىرا باستادى. تۇرمىستىق جەمقورلىقتى جويۋ تۇرعىسىنان مەملەكەتتٸك قىزمەتتەردٸ ٷدەمەلٸ تسيفرلاندىرۋدى دا اتاپ ٶتۋ ماڭىزدى. ونىڭ دەڭگەيٸ – قازٸردٸڭ ٶزٸندە 93%. دەمەك, بۇل وسى سالاداعى تۇرمىستىق جەمقورلىقتىڭ بارىنشا تٶمەندەتٸلگەنٸن كٶرسەتەدٸ. وعان حالىققا 1 ميلليوننان استام مەملەكەتتٸك قىزمەت كٶرسەتكەن سەرۆيستٸك ەكٸمدٸكتەردەگٸ «connection points» دەپ اتالاتىن تسيفرلىق ٶزٸنە-ٶزٸ قىزمەت ەتۋ بۇرىشتارى ايتارلىقتاي ٷلەس قوسۋدا», - دەدٸ ول.
اليك شپەكباەۆ جازبا سوڭىندا مەملەكەتتٸك ورگانداردىڭ جۇمىسىن اشىقتىق, قولجەتٸمدٸلٸك, ايقىندىق جەنە ەسەپتٸلٸك پريزماسى ارقىلى ٶزگەرتۋ جالعاسا بەرەتٸنٸن حابارلادى.
«بٸزدٸڭ مٸندەتٸمٸز – وسى ستاندارتتاردى بٷكٸل ەل اۋماعىنا ەنگٸزۋ», - دەيدٸ ول.
