Sybailas jemqorlyqqa qarsy is-qimyl agenttiginiń Tóraǵasy Alik Shpekbaev jumys saparymen Almaty oblysyna keldi, dep habarlaidy "Ult aqparat".
Is-sapar aiasynda agenttik tóraǵasy Taldyqorǵandaǵy Saltanat saraiy ǵimaratynda qoǵammen, blogerlermen, biznes-qoǵamdastyqpen jáne BAQ ókilderimen ashyq dialogqa negizdelgen kezdesý ótkizdi.
Is-shara maqsaty Prezidenttiń «Halyq únine qulaq asatyn memleket» tujyrymdamasyn iske asyrý sheńberinde azamattyq qoǵammen syndarly dialog qurý.
Alik Shpekbaev búginde qoǵamnyń belsendi qatysýynsyz sybailas jemqorlyqty azaitý, joiý múmkin emes ekenin atap ótti. Sondyqtan búginde árbir azamat, árbir qoǵam qairatkeri, onyń ishinde blogerler men jýrnalister parasat ideologiiasyn ilgeriletýde jáne jalpy sybailas jemqorlyqqa qarsy saiasatty iske asyrýda erekshe ról atqarady.
Kezdesý barysynda agenttik tóraǵasy sybailas jemqorlyqqa qarsy bastamalar men agenttiktiń 2020 jyldyń 9 aiyndaǵy qyzmetiniń negizgi nátijelerimen tanystyrdy.
Atap aitqanda, Alik Jatqambaiuly qatysýshylarǵa Memleket basshysynyń sybailas jemqorlyqqa qarsy reformalarynyń úsh paketin jetkizdi.
Memlekettik apparattyń ashyqtyǵy men aiqyndyǵyn qamtamasyz etýge baǵyttalǵan transformatsiialyq protsestermen, biýdjet shyǵystaryn ońtailandyrý jónindegi aldyn alý jumysynyń nátijelerimen, sondai-aq parasat ideologiiasyn ilgeriletý jónindegi jańa tásildermen tanystyrdy.
«Ashyq dialog» túrindegi kezdesý formatyn eskere otyryp, qatysýshylar sybailas jemqorlyqqa qarsy saiasatty iske asyrý máseleleri boiynsha, onyń ishinde qoǵamdy saiasi jańǵyrtý jáne demokratiialandyrý prizmasy arqyly óz pikirin bildire aldy.
Is-shara barysynda aitylǵan barlyq máseleler boiynsha agenttik tóraǵasy túsinikteme berip, birqatar ótinish pen usynysty baqylaýyna aldy.
