Alik Aidarbaev "QazMunaiGaz" ulttyq kompaniiasynyń basqarma tóraǵasy qyzmetinen ketti. Onyń ókilettigi bergen ótinishi boiynsha merziminen buryn toqtatyldy, dep habarlaidy "Ult aqparat" kompaniia saityna silteme jasap.
"Samuryq-Qazyna" AQ basqarmasynyń sheshimimen Qurmanǵazy Esqaziev "QazMunaiGaz" UK AQ basqarma tóraǵasynyń mindetin atqarýshy bolyp taǵaiyndaldy.
Qurmanǵazy Orynǵazyuly Esqaziev V.I. Lenin atyndaǵy Qazaq politehnikalyq institýtynyń munai fakýltetin geolog-taý-ken injeneri mamandyǵy boiynsha bitirdi. 2006 jyly Tomsk politehnikalyq ýniversitetinde dissertatsiia qorǵap, "geologiia-mineralogiia ǵylymdarynyń kandidaty" biliktilik dárejesine ie boldy. 2021 jyly I.M. Gýbkin atyndaǵy Resei memlekettik munai jáne gaz ýniversitetinde dissertatsiia qorǵap, "geologiia-mineralogiia ǵylymdarynyń doktory" ǵylymi dárejesin iemdendi. Ál-Farabi atyndaǵy ǵylym men tehnika salasyndaǵy QR Memlekettik syilyǵynyń laýreaty (2015 j.), I.M. Gýbkin atyndaǵy Resei munai jáne gaz memlekettik ýniversitetiniń "Munai men gazdy izdeý-barlaý" kafedrasynyń professory.
Eńbek jolyn 1985 jyly "Embaneft" óndiristik birlestiginde operator-kollektor bolyp bastady. Onda operatorlyqtan bastap "Embimunaigaz" AQ bas direktoryna deiingi óndiristik qyzmettiń barlyq satysynan ótti.
2006-2008 jyldar aralyǵynda "QazMunaiGaz" Barlaý Óndirý" AQ geologiia jáne igerý departamenti direktorynyń orynbasary, direktory boldy.
2008 jyldan bastap 2015 jylǵa deiin "QazMunaiGaz" UK AQ-da munai jáne gaz óndirý jónindegi atqarýshy direktor, geologiia, geofizika jáne rezervýarlar jónindegi basqarýshy direktor, bas geolog, Basqarma tóraǵasynyń geologiia jáne keleshek jobalar jónindegi orynbasary, operatsiialyq emes aktivter (Teńiz, Qashaǵan, Qarashyǵanaq) jónindegi basqarýshy direktor, geologiia jónindegi basqarýshy direktor qyzmetterin atqardy.
2015 jyldyń qyrkúieginen 2018 jylǵa deiin – "Embimunaigaz" AQ bas direktory (basqarma tóraǵasy), "QazMunaiGaz" Barlaý Óndirý" AQ bas direktory (basqarma tóraǵasy).
2018-2020 jyldar aralyǵynda "QazMunaiGaz" UK AQ basqarma tóraǵasynyń barlaý, óndirý jáne munai servisi jónindegi orynbasary, "QazMunaiGaz" UK AQ basqarma tóraǵasynyń geologiia jáne barlaý jónindegi orynbasary bolyp qyzmet etti.
2020 jyldan bastap "QazMunaiGaz" Barlaý Óndirý" AQ bas direktory (basqarma tóraǵasy).
2022 jyldyń aqpanynan "QazMunaiGaz" UK AQ basqarma tóraǵasynyń barlaý jáne óndirý jónindegi orynbasary.
Aita keteiik, Aidarbaev "QazMunaiGazdy" 2018 jyldyń qarashasyna beri basqardy. Jýyrda BAQ-ta Alik Aidarbaev pen onyń orynbasary Daniiar Berlibaevtyń otstavkaǵa ketý týraly ótinish bergeni týraly aqparat paida bolǵan.
