Úkimet otyrysynda QR Ulttyq ekonomika ministri Álibek Qýantyrov jańadan úsh oblysty qurý úshin qandai qujattar ázirlenetinin málim etti, dep habarlaidy QazAqparat.
«Memleket basshysynyń Jarlyǵyn daiyndaý jónindegi jol kartasy jáne ony iske asyrý jónindegi uiymdastyrý sharalarynyń jospary ázirlenetin bolady.
Bul qujattarda ákimshilik-aýmaqtyq qaita qurýlarǵa bailanysty mynadai barlyq qajetti is-sharalar:
Oblystar men eldi mekenderdi ataý máselelerin qosa alǵanda, oblystardy jáne olardyń shekaralaryn bólý týraly qajetti Jarlyqtaryn jáne Úkimet qaýlylaryn ázirleý jáne qabyldaý;
jergilikti atqarýshy organdardyń jáne ortalyq memlekettik organdardyń aýmaqtyq bólimsheleriniń shtat sanyndaǵy ózgerister;
kommýnaldyq menshikti berý jáne qabyldaý;
zańnamalyq aktilerge ózgerister engizý;
jańadan qurylǵan oblystarda memlekettik organdar qurý jinaqtalatyn bolady», - dedi vedomstvo basshysy.
Aitýynsha, bul oblystardyń qurylýy tek osy aimaqtardyń áleýmettik-ekonomikalyq damýyna ǵana emes, búkil ekonomikanyń damýyna oń áserin tigizedi.
«Memlekettik basshysynyń Ministrlik ótken jyly Jergilikti ózin-ózi basqarýdy damytýdyń tujyrymdamasy sheńberinde «Qazaqstan Respýblikasynda jergilikti ózin-ózi basqarý týraly» Zańnyń jáne oǵan ilespe zańnyń jobalaryn ázirleýdi bastady.
Zań jobalarynda jergilikti memlekettik basqarý jáne jergilikti ózin-ózi basqarý organdary ókilettikteriniń arajigin ajyratý jónindegi normalar, jergilikti ózin-ózi basqarý organdarynyń múliktik quqyqtaryn keńeitý; jergilikti ózin-ózi basqarý deńgeiinde memlekettik satyp alýdy ótkizý rásimderin ońailatý kózdeledi», - dedi ministr.
