Álibek Áldenei praimeriz týraly: Bir mezette daýys berýge 76 myńnan asa adam kirgen

Búgin «Nur Otan» partiiasynyń praimerizi boiynsha daýys berý bastaldy. Sailaýǵa10 076 kandidat túsip jatyr, dep habarlaidy "Ult aqparat".

«Qazirgi sátte aqparattyq júiede 728 879 adam tirkelgen (avtorizatsiialanǵan). Daýys berý bastapqy sátten qarqyndy ótýde. Búgingi túngi saǵat 00.00-den tańǵy saǵat 04.00-ge deiin «Praimeriz» júiesine 50 myńdai partiialyq júgindi. Saǵat 11.00-de, bir mezettegi júkteme 76 myńnan astam suranysqa jetti.Tehnikalyq monitoring bir mezgilde daýys berýshi partiialyqtar men nátijeni baqylap otyrǵan kandidattarmen qatar saitty bógde qoldanýshylar da kóptep qarap otyrǵanyn kórsetýde. Munyń barlyǵy júiege artyq salmaq túsirýge ákeledi, ol tiisinshe protsessti edáýir baiaýlatyp, suranystardy óńdeý ýaqytyn ulǵaitady. Qazir bizdiń IT-mamandarymyz tehnikalyq irkilisterdi joiý, arnalardyń ótkizý múmkindikterin arttyrý sharalaryn qolǵa alýda», dep jazdy Nur Otan partiiasynyń hatshysy Álibek Áldenei jelidegi paraqshasynda.

Aita keteiik, bul – Qazaqstanda el kóleminde ótip otyrǵan tuńǵysh onlain daýys berý. Sondyqtan júktemeniń joǵary bolý yqtimaldyǵyn eskerip, áýel bastan daýys berýdi 3 kún, 1 – 3 qazan aralyǵynda, iaǵni tutastai 62 saǵat ótkizý týraly sheshim qabyldandy.

«Saǵat 13.00-de «Praimeriz» AJ-de 31 367 partiialyq daýys berdi. «Daýys berý nátijeleri» bóliminiń jańartylýy 30 minýttan 1 saǵatqa deiin ýaqyt alady. Bul algoritm júiege túsetin júktemeni tómendetý úshin engizilgen», dep tolyqtyrdy ol.

Álibek Áldeneidiń aitýynsha, taldaý kóptegen qoldanýshynyń júiede saǵattap otyrǵanyn kórsetken. 

«Sondyqtan kandidattardan jáne basqada qoldanýshylardan júiege qaita-qaita kirýdi toqtata turyp, partiialyqtardyń daýys berýlerine múmkindik berýlerin suraimyn.Eki túbegeili jaitty atap ótkim keledi. Birinshi. Árbir partiialyqtyń daýys berý nátijeleri saqtalady jáne suranystardy óńdeý barysyna qarai mindetti túrde júiede kórsetiletin bolady. Ekinshi. Qorǵanys jáne shifrlaý kez kelgen burmalaýshylyqqa jol bermeidi. 

Elimizdiń eń shalǵai eldi mekenderiniń turǵyndaryn qosa alǵanda partiianyń barlyq múshesi daýys bere alady», - dep tujyramdady.