Baqytjan Bazarbek, foto: parlam.kz
Májilis depýtaty Baqytjan Bazarbek MÁMS júiesinde, áleýmettik meditsinalyq saqtandyrý qorynda jemqorlyq máselesi baryn aitty, dep habarlady Halyq Uni saity.
Onyń pikirinshe, jemqorlyqpen júieli túrde kúrespese, memlekettiń densaýlyq saqtaý saiasaty qurdymǵa ketedi.
«Máselen, 2023 jyly Astana qalasynyń prokýratýrasy tekseris júrgizgen. Nátijesinde 2500 adam negizsiz qyzmet alǵan, olardyń arasynda marqumdar da bar. Is júzinde olar aýyrmaǵan, tipti keibiri qaitys bolyp ketken. Keibiri Astana qalasynda turmaidy. Alaida olar meditsinalyq qyzmet alyp júrgen. Saldarynan biýdjetke júzdegen mln teńge shyǵyn keltirilgen. Olar tártiptik jaýapkershilikke tartylady. Qylmystyq is qaida?
Siz (Densaýlyq saqtaý ministri Ajar Ǵiniiat - esk.) aitqan qylmystyq ister qaida? Munda memleket qarjysy jymqyryldy. Sondyqtan qylmystyq is qozǵaý kerek», - dedi depýtat Májilistegi Úkimet saǵatynda.
Bul rette Baqytjan Bazarbek statistikaǵa júginip, naqty mysaldar keltirdi.
«Soltústik Qazaqstan oblysynda biýdjetke 847 mln teńge shyǵyn kelgen. Jalpy 2019 jyly – 291 mln teńge, 2020 jyly – 240 mln teńge, 2022 jyly – 403 mln teńge «mertvye dýshiǵa» artyǵymen tólem jasalyp, biýdjetke qomaqty shyǵyn keltirilip otyr. Qylmystyq isterdi qashan kútemiz? Biýdjettiń aqshasyn tolyq sypyryp alǵannan keiin qylmystyq is qozǵaisyzdar ma?», - dedi depýtat Ajar Ǵiniiatqa qaratyp.
2023 jyly densaýlyq saqtaý salasyna 2,5 trln teńge bólingen. Depýtat Baqytjan Bazarbek 1 trln teńgeniń qaida jumsalǵany jaily Densaýlyq saqtaý ministri áli kúnge deiin esep bermegenin aitty.
«Qaita ketti 1 trln teńge? Qaltaǵa tústi me? Kimniń qaltasyna tústi? Onyń qaida ketkenin biz bile almai júrmiz. Biz máseleni jemqorlyqtan bastaýymyz kerek. Jemqor osynda (Májilistegi úkimet saǵatynda - esk.) otyrǵan shyǵar», - dedi depýtat.
