«Aýyl» partiiasynyń negizgi maqsaty - Parlamentke ótý. Bul týraly «Aýyl» halyqtyq-demokratiialyq patriottyq partiiasynyń tóraǵasy Áli Bektaev aitty, dep habarlaidy "Ult aqparat".
«Aýyl» partiiasynyń negizgi maqsaty - Parlamentke ótý. Óitkeni, biik minberlerden aýyldyń, aýyldaǵy aǵaiynnyń joǵyn joqtap, máselelerin kóteretin bir saiasi kúsh bolýy tiis. Biz ózimizdi sol statýsqa laiyq partiiamyz dep senimmen aita alamyn. Qanshama jyldan beri osy baǵytta eńbek etip kelemiz. Maqtan etetin jetistigimiz de barshylyq. Mysaly, biz geografiialyq aýmaq pen partiia músheleriniń sany jaǵynan Qazaqstan boiynsha aldyńǵy úshtikke kiremiz. Búginde quramymyzda 300 myńǵa jýyq adam, myńnan astam partiialyq uiymymyz bar», -dedi Áli Bektaev partiianyń kezekten tys XVIII sezinde.
Onyń aitýynsha, partiia aýyl men aýyl sharýashylyǵy máseleleri boiynsha júzdegen usynys berip, 3 myńnan astam is-shara uiymdastyrdy. Sońǵy 5 jylda partiia qatary 52 myń adamǵa tolyqty.
«Aýyl» partiiasynyń kadrlyq áleýeti de kúsheidi. Bizdiń qatarymyzda eńbegimen jetistikke jetken iri kásipker de, qarapaiym sharýa da, aýylsharýashylyq uiymdarynyń, ǵylymi-zertteý institýttarynyń jetekshileri, qyzmetkerleri, bilikti mamandar, ǵylym doktorlary men qandidattary da bar. Olardy partiianyń alǵa qoiǵan mindetteri men maqsattaryn júzege asyryp kele jatqan «Aýyldyń» altyn qory» desek te bolady. Elektoratymyzdyń basym bóligi – aýyl turǵyndary. Halyqtyń 42 paiyzyn quraityn osynaý úlken áleýmettiń máselesin qozǵaý - bizdiń qasietti paryzymyz», - dedi partiia tóraǵasy.
