Alǵys aitý kúni qazaqstandyqtardyń kópshiliginiń sezimi men kózqarasyn baiytady. Mundai pikirdi «Vainah» Qazaqstandaǵy sheshender men ingýshter qaýymdastyǵynyń teń tóraǵasy, Qazaqstan halqy Assambleiasynyń múshesi Ahmed Mýradov bildirdi, dep habarlaidy QazAqparat.
«1 naýryzda atalyp ótiletin Alǵys aitý kúni qoǵamymyzdaǵy Qazaqstanǵa túrli sebeptermen – arnaiy qonys aýdyrylǵan, deportatsiialanǵan, evakýatsiialanǵan adamdardyń tarapynan aitylǵan pikirlerge jaýap retinde bekitilgen. Qazaqstanda 130 etnostyń ókili ómir súredi jáne bul adamdardyń barlyǵy qazaq halqyna jáne ózderinen álde qaita qonys aýdarǵan halyqtardyń ókilderine riza. Alǵys bildirý ylǵi Qazaqsta halqy Assambleiasynyń aiasynda ǵana aitylatyn. Assambleia sessiialarynyń birinde Tuńǵysh Prezidentimiz Nazarbaev Nursultan Ábishuly osy aitylǵan pikirlerdiń bárin baiytyp, Alǵys aitý kúnin bekitý týraly usynys jasady. Bul - barsha qazaq halqyna, bir-birine alǵys aitý kúni», - dedi ol.
Onyń aitýynsha, Alǵys aitý kúni Qazaqstan halqy Assambleiasy qurylǵan 1 naýryzǵa orailastyrylǵan. QHA1995 jyly 1 naýryza qurylǵan edi. Dál osy kúni barsha qazaqstandyq óz eliniń, halqynyń aldyndaǵy jaýapkershiligin airyqsha sezinedi.
«Erteń, 23 aqpan kúni vainahtardyń deportatsiialanǵanyna 77 jyl tolady. Biz 20 aqpan kúni halyqaralyq konferentsiia ótkizgen edik. Bul kúnderi keń aýqymdy qaiyrymdylyq aktsiialary jáne ózge de is-sharalar josparlanyp otyr. Osylaisha, biz birtindep Alǵys aitý kúnine jetemiz. Iaǵni, bir apta ishinde Eske alý kúni, vainahtardyń qazaq halqyna, osynaý qasietti jerge rizashylyq bildirýi oryn alady. Alǵys aitý syndy qasietti sezimdi bastan keshirý úshin bizge sebep jetkilikti. Onyń ústine qazaq jerinde vainah halqynyń talai ókili máńgilik mekenin tapqan. Alǵashqy jyldary departatsiialanǵandardyń jartysy qaza tapty. Odan keiingi jyldary da ómirden ozǵan vainahtar kóp», - dedi Ahmed Mýradov.
.jpeg)