Avtokólik ielerinen aýa raiynyń nasharlaýyna bailanysty joldarda abai bolý suralady, dep jazady "Ult aqparat" elordalyq politsiia departamentine silteme jasap.
Ótken táýlikte qala aýmaǵynda 50 jol-kólik oqiǵasy tirkelip, saldarynan bir adam dene jaraqatyn alǵan.
Sondyqtan Nur-Sultan qalasynyń politsiia departamenti júrgizýshilerdi qozǵalys kezinde barynsha muqiiat jáne saq bolýǵa, jyldamdyq rejimin, qaýipsiz qashyqtyqty jáne manevr jasaý erejelerin múltiksiz saqtaýǵa shaqyrady.
Júrgizýshiler úshin eń qaýiptisi – kólik quraldarynyń tejeý jolyn uzartyp jiberetin alǵashqy qar. Sondyqtan kenetten manevr jasaýdan jáne tejegishti basýdan aýlaq bolǵan jón.
Jaiaý júrginshiler joldy kesip ótken kezde avtomobildiń ylǵaldy jáne taiǵaq jolda tez toqtai almaityndaryn eskerýleri qajet. Ózińizdi jol apatynan qorǵaýdyń jalǵyz joly – barynsha muqiiat bolý jáne asyqpaý.
