© Sputnik / Abzal Kaliev
A.N.Syzǵanov atyndaǵy Ulttyq ǵylymi hirýrgiia ortalyǵynda eresek patsientterge búirektiń aiqas transplantatsiiasy jasaldy, dep habarlaidy «Ult aqparat» densaýlyq saqtaý ministrligine silteme jasap.
Aiqas transplantatsiia kem degende eki sáikes kelmeitin jupqa donorlardy almastyrý qaǵidaty boiynsha jasalady. Máselen, týysqan donor retsipientke meditsinalyq kórsetilimder boiynsha sáikes kelmese, sondai problemasy bar basqa donor tańdalady. Al ol kisiniń týysy donory kelmei qalǵan adamǵa búiregin beredi.
"Qazir bizdiń respýblikamyzda da osyndai operatsiialar praktikaǵa engizildi. Aiqas transplantattaý eki juptyń - qan toby boiynsha ózara sáikes kelmegen kúieýi-áieli jáne qyzy men anasynyń arasynda jasaldy. Bul patsientter uzaq jyldar boiy baǵdarlamalyq gemodializde boldy. Ókinishke orai, naýqastar uzaq ýaqyt gemodializde bola almaidy, óitkeni ýaqyt óte kele olardyń jaǵdaiy birtindep nasharlaidy, óitkeni gemodializ donorlyq aǵzaǵa balama bola almaidy", - deidi dárigerler.
Mamandar búirektiń aiqas transplantatsiiasy úshin bárin muqiiat zerttep, úilesimdilikti baǵalap shyqty. Osylaisha eki kúnniń ishinde eki búirekti transplantattaý sátti oryndaldy, eki búirek te sińise bastady.
Patsientterdiń densaýlyq kórsetkishteri tez jaqsaryp keledi. Ekeýi de aýrýhanadan shyǵýǵa daiyndalyp júr.
