Búgin №110 sailaý ýchaskesinde sailaýǵa alǵash ret qatysatyn 18 jastaǵy bozbalalar men boijetkender daýys berdi, dep habarlaidy "Ult aqparat" qala ákimdigine silteme jasap.
Sailaýǵa jaýapkershilikpen qaraityn jastar «Qazaqstan temir joly» kompaniiasynyń ǵimaratynda ornalasqan sailaý ýchaskesine basqa turǵyndarmen birge kelgen. Daýys bergennen keiin olarǵa syilyqtar berildi.
«Tuńǵysh ret daýys berýshiler, sondai-aq 9 maýsymda týǵan kúnin toilaityn jurtqa bul sáttiń mańyzdylyǵyn atap ótý úshin estelik syilyqtar ázirledik. Olardyń arasynda fýtbolka, kepka, kitaptar sekildi zattar bar. Sailaý ýchaskesinde alǵash ret daýys beretin 50-den astam jas tirkelgen», - dedi № 110 ýchaskelik sailaý komissiiasynyń tóraǵasy Darhan Mataev.
S.Seifýllin atyndaǵy Qazaq agrotehnikalyq ýniversitetiniń stýdenti Aslan Asqardyń týǵan kúni Prezident sailaýyna tuspa-tus keldi. Ol búgin osyndai mańyzdy is-sharaǵa alǵash ret qatysyp qana qoimai, 18 jasyn toilaidy.
«Árbir patriot óz eliniń bolashaǵyna jaýapty. Sailaýda alǵash ret daýys berdim, bul men úshin úlken jaýapkershilik. Alǵa qoiǵan maqsattaryma qol jetkizý úshin jarqyn bolashaǵyma alańdaýlymyn. Al biz sekildi alǵash ret daýys bergen jastarǵa arnaiy tosyn syi jasaldy. Mundai syilyqtardy alý óte jaqsy, bul bárimizdiń esimizde máńgi qalady», - dep atap ótti Aslan Asqar.
Qoǵamdyq tamaqtaný jáne servis kolledjiniń stýdenti Jáńgir Niiazbekov óz qurdasynyń pikirin tolyq qoldaidy.
«Men sailaýda alǵash ret daýys berip turmyn. Árbir adam eldiń bolashaǵy úshin daýys berýi kerek», - deidi Jáńgir Niiazbekov.
Jastar elordanyń barlyq turǵynyn sailaý ýchaskelerine kelip, azamattyq boryshyn óteýge shaqyrdy.
Esterińizge sala keteiik, sailaý ýchaskeleri óz jumysyn saǵat 20.00-de aiaqtaidy.
