بٷگٸن №110 سايلاۋ ۋچاسكەسٸندە سايلاۋعا العاش رەت قاتىساتىن 18 جاستاعى بوزبالالار مەن بويجەتكەندەر داۋىس بەردٸ, دەپ حابارلايدى "ۇلت اقپارات" قالا ەكٸمدٸگٸنە سٸلتەمە جاساپ.
سايلاۋعا جاۋاپكەرشٸلٸكپەن قارايتىن جاستار «قازاقستان تەمٸر جولى» كومپانيياسىنىڭ عيماراتىندا ورنالاسقان سايلاۋ ۋچاسكەسٸنە باسقا تۇرعىندارمەن بٸرگە كەلگەن. داۋىس بەرگەننەن كەيٸن ولارعا سىيلىقتار بەرٸلدٸ.
«تۇڭعىش رەت داۋىس بەرۋشٸلەر, سونداي-اق 9 ماۋسىمدا تۋعان كٷنٸن تويلايتىن جۇرتقا بۇل سەتتٸڭ ماڭىزدىلىعىن اتاپ ٶتۋ ٷشٸن ەستەلٸك سىيلىقتار ەزٸرلەدٸك. ولاردىڭ اراسىندا فۋتبولكا, كەپكا, كٸتاپتار سەكٸلدٸ زاتتار بار. سايلاۋ ۋچاسكەسٸندە العاش رەت داۋىس بەرەتٸن 50-دەن استام جاس تٸركەلگەن», - دەدٸ № 110 ۋچاسكەلٸك سايلاۋ كوميسسيياسىنىڭ تٶراعاسى دارحان ماتاەۆ.
س.سەيفۋللين اتىنداعى قازاق اگروتەحنيكالىق ۋنيۆەرسيتەتٸنٸڭ ستۋدەنتٸ اسلان اسقاردىڭ تۋعان كٷنٸ پرەزيدەنت سايلاۋىنا تۇسپا-تۇس كەلدٸ. ول بٷگٸن وسىنداي ماڭىزدى ٸس-شاراعا العاش رەت قاتىسىپ قانا قويماي, 18 جاسىن تويلايدى.
«ەربٸر پاتريوت ٶز ەلٸنٸڭ بولاشاعىنا جاۋاپتى. سايلاۋدا العاش رەت داۋىس بەردٸم, بۇل مەن ٷشٸن ٷلكەن جاۋاپكەرشٸلٸك. العا قويعان ماقساتتارىما قول جەتكٸزۋ ٷشٸن جارقىن بولاشاعىما الاڭداۋلىمىن. ال بٸز سەكٸلدٸ العاش رەت داۋىس بەرگەن جاستارعا ارنايى توسىن سىي جاسالدى. مۇنداي سىيلىقتاردى الۋ ٶتە جاقسى, بۇل بەرٸمٸزدٸڭ ەسٸمٸزدە مەڭگٸ قالادى», - دەپ اتاپ ٶتتٸ اسلان اسقار.
قوعامدىق تاماقتانۋ جەنە سەرۆيس كوللەدجٸنٸڭ ستۋدەنتٸ جەڭگٸر نييازبەكوۆ ٶز قۇرداسىنىڭ پٸكٸرٸن تولىق قولدايدى.
«مەن سايلاۋدا العاش رەت داۋىس بەرٸپ تۇرمىن. ەربٸر ادام ەلدٸڭ بولاشاعى ٷشٸن داۋىس بەرۋٸ كەرەك», - دەيدٸ جەڭگٸر نييازبەكوۆ.
جاستار ەلوردانىڭ بارلىق تۇرعىنىن سايلاۋ ۋچاسكەلەرٸنە كەلٸپ, ازاماتتىق بورىشىن ٶتەۋگە شاقىردى.
ەستەرٸڭٸزگە سالا كەتەيٸك, سايلاۋ ۋچاسكەلەرٸ ٶز جۇمىسىن ساعات 20.00-دە اياقتايدى.
