Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi
Ekonomika jáne biznes

Alfa-Bank Qazaqstan ataýy ózgerdi

Ult portaly
Alfa-Bank Qazaqstan ataýy ózgerdi

Foto: ©RIA Novosti

"Bank TsentrKredit" biyl naýryzda Reseige qarsy sanktsiialarǵa ushyraǵan Alfa-Bank Qazaqstandy satyp alý kelisimin jasady, - dep habarlaidy Tengrinews.kz tilshisi BTsK baspasóz qyzmetine silteme jasap.

"Alfa-Bank" AQ pen "Bank TsentrKredit" AQ Qazaqstandaǵy "Alfa-Bank" EB AQ-ty satý týraly túbegeili kelisimge keldi. "Bank TsentrKredit" jai aktsiialardyń 100 paiyzyn satyp alý arqyly Qazaqstandaǵy Alfa-Banktiń jańa aktsioneri atanady. Qaita tirkeýden ótkennen keiin bank jańa ECO BANK brendimen jumys isteitin bolady. Tolyq ataýy - "ECO BANK" EB AQ", - delingen habarlamada.

BTsK málimetinshe, bank ónimderiniń barlyq sharty klientter úshin ózgerissiz qalady jáne SDN tiziminen shyǵý protsedýrasy aiaqtalǵannan keiin klientter bank qyzmetiniń barlyq spektrine qoljetkize alady.

"Qazir tutynýshylarymyzǵa yńǵaily bolý úshin bcc.kz saitynda suraq-jaýap formatyndaǵy aqparattyq jadynama ornalastyryldy. Qosymsha suraqtar boiynsha jeke tulǵalar úshin 505, zańdy tulǵalar úshin 605 nómirine habarlasýlaryńyzdy suraimyz", - dedi BTsK ókilderi.

Alfa-Bank Qazaqstandy satyp alý BTsK jeke qarajaty esebinen qarjylandyrylǵan. Qazirgi ýaqytta banktiń rebrendingi boiynsha jumys bastalyp ketti, ol tolyǵymen qazaqstandyq bolady, dedi baspasóz qyzmeti ókilderi.

"Sanktsiiaǵa ushyraǵan bankti satyp alý Qazaqstanda alǵash ret jáne barynsha qysqa merzimde júzege asyrylyp jatyr. Osy tranzaktsiianyń barlyq qatysýshysyna sátti nátije úshin alǵys aitamyn. Biz úshin basty basymdyq - tutynýshylar suranysyn sheshý. Sondai-aq, komandaǵa kóńil bólip, qyzmetkerlerdi jańa banktiń biznes-protsesterine tartý", - dep túsindirdi BTsK basqarma tóraǵasy Ǵalym Husaiynov.

Oqi otyryńyz