QR Adam quqyqtary jónindegi ýákil Elvira Ázimova eldegi tártipsizdikter kezinde ustalǵan azamattardyń ne nársege jii shaǵymdanatynyn aitty, dep habarlaidy QazAqparat.
Buǵan deiin spiker óńirlerdegi ýaqytsha ustaý izoliatorlaryna baryp, ustalǵan azamattarmen suhbattasyp júrgenin aitqan edi. Birneshe kúnde olar 11 óńirdegi 34 mekemege barǵan.
«Osy ýaqytta bizge, advokattarǵa jáne basqa qorǵaýshylarǵa ustalǵan adamdarǵa kirýdegi qiyndyqtar, sonymen birge týysqandarǵa habardar etpeý, alǵashqy saǵattarda meditsinalyq kómek kórsetpeý nemese negizgi ustaý týraly shaǵymdar jasaldy. Mundai faktilerge jol berilmeýi kerek. Sondyqtan árbir túsken aryz-shaǵymdardy Bas prokýratýra men Ishki ister ministrligine jiberemiz. Keshe brifing barysynda prokýratýra ókili habarlaǵandai, Almaty qalasy prokýratýrasynyń tekserý nátijesinde 71 azamatqa ákimshilik jaza sharalary jeńildetildi. Jáne 91 azamat bosatyldy. Bul óte mańyzdy. Óitkeni eń bastysy – halyqtyń áldilet pen zańdylyqqa degen senimi», - dedi E. Ázimova Ortalyq kommýnikatsiialar qyzmetinde ótken biýaspasóz máslihatynda.
Spikerdiń aitýynsha, Ishki ister jáne Densaýlyq saqtaý ministrlikteri men Bas prokýratýraǵa barlyq qabyldanǵan sharalar týraly BAQ-ta tolyq habarlaý jóninde ótinish jasaldy.
«Sońǵy kúnderi ózderińiz kórgendei, bul ótinish eskerildi. Barlyq azamattardyń aqparatqa qol jetkizý quqyǵyn barynsha qamtamasyz etý óte mańyzdy. Birinshi kezekte qylmystyq nemese ákimshilik sot tóreligine adamdar týraly sóz bolyp otyr. Shetel azamattary úshin de osyndai aqparat qajet. Sondyqtan shetel azamattaryn ustaý týraly sheteldik diplomatiia ókildikterine dereý habarlaý kerek. Prokýratýra osyndai habarlardy jetkizemiz dep aitty, biz oǵan senemiz», - dedi Elvira Ázimova.
Sonymen birge, tártipsizdik bolǵan kúnderi aqparat júiesiniń zaqymdalýyna bailanysty, ustalǵandardyń kópshiligin identifikatsiialaý ýaqytsha qiyndyq týyndatqan.
«Sondyqtan kópshiliginiń týystary olardyń ustalǵany týraly aqparatty kesh aldy. Sondai-aq osyndai jaǵdai meditsinalyq mekemelerde de boldy. Azamattardyń kópshiligi munda qujatsyz túsken. Birinshi suraq – alǵashqy meditsinalyq kómek kórsetý máselesi bolsa, olardyń týystaryna habarlaý ekinshi suraq boldy. Eń bastysy – adamnyń ómiri. Olardyń kópshiliginde jeke basty kýálandyratyn qujattar bolmaǵan. Sondyqtan, jergilikti jerlerdegi ishki ister organdary men densaýlyq saqtaý uiymdary mundai aqparatty dereý týystaryna jáne qoǵamdyq uiymdarǵa berýi qajet. Sebebi mundai jekelegen aqparat áleýmettik jelilerde kóp ekenin kórip otyrmyz. Biraq mundai aqparattyń kóbisi senimdi jáne tolyq emes. Sondyqtan biz resmi retinde berilgen aqparatqa súienýimiz kerek», - dep túsindirdi E. Ázimova.
