Áleýmettik jeliler men messendjerlerde qazaqstandyqtar esikti qaǵyp, ózderin bilik ókilderi retinde tanystyryp, tegin maskalar taratyp júrgen adamdar týraly eskertý aitylýda. Bul habarlamalardyń avtorlarynyń aitýynsha, qorǵanys quraldaryna ýly himikattar sińirilgen, ony taqqan adam esin joǵaltady, al qaskúnemder bolsa, onyń úiin tonaidy, dep habarlaidy stopfake.kz.
Bul feik Internette jarty jyldan beri júr. Mundai alǵashqy habarlamalar sáýir aiynda AQSh-ta Niý-Djerside taraǵan. Táýelsiz faktchekerler men shtat politsiiasy bul aqparatty birden joqqa shyǵardy. Sondai-aq ony Facebok jáne Twitter áleýmettik jelilerinen óshirdi.
Al maýsym aiynda Ulybritaniia, Irlandiia, AQSh, Germaniia, Ońtústik Afrika, Ispaniia, Úndistan jáne Singapýr elderiniń jeli qoldanýshylary uqsas habarlamalar jibere bastady. Barlyq atalǵan elderdiń politsiiasy mundai qylmystardyń oryn alǵanyna eshqandai dálel joq dep qaýesetti joqqa shyǵardy.
Taǵy biraz ýaqyt ótken soń ýlanǵan maskalar taratatyn tonaýshylar týraly habarlamalar Internettiń orys tildi segmentinde – Reseidiń túrli aimaqtarynda, atap aitqanda, Mordoviia men Iakýtiiada paida boldy. Qazir bul feik Qyrǵyzstanmen Qazaqstanda tanymal. Eshbir elde bul qylmystar rastalǵan joq.
