Semei qalasynda iz-túzsiz joǵalyp ketken oqýshy qyz basqa qaladan tabyldy, dep habarlaidy QazAqparat.
ShQO Politsiia departamenti baspasóz qyzmetiniń málimetinshe, qyrkúiek aiynyń ortasynda politsiiaǵa júgingen 49 jastaǵy áiel kámelettik jasqa tolmaǵan qyzynyń joǵalyp ketkenin aitty. Óz sózinde ol balasynyń eki kún buryn keshki ýaqytta úiden qashyp, sol kúii habar-osharsyz ketkenin jetkizgen.
«Tártip saqshylary 14 jastaǵy qyzdy tabý úshin jedel-izdestirý sharalaryna kiristi. Sonyń nátijesinde, jasóspirim Pavlodar qalasynan tabyldy. Belgili bolǵandai, ol «VKontakte» áleýmettik jelisi arqyly sol jaqta turatyn jigitpen tanysyp, onymen kezdesý úshin úiinen qashqan», - delingen aqparatta.
Qyz tártip saqshylaryna ata-anasymen birge turǵysy kelmeitinin aitty. Qazirgi ýaqytta oqýshy Semei qalasyna jetkizilgen. Jedel ýákilder ony ázirge týystaryna tapsyrdy. Politseiler oqiǵanyń mán-jaiyn anyqtaý ústinde.
