سەمەي قالاسىندا ٸز-تٷزسٸز جوعالىپ كەتكەن وقۋشى قىز باسقا قالادان تابىلدى, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, قىركٷيەك ايىنىڭ ورتاسىندا پوليتسيياعا جٷگٸنگەن 49 جاستاعى ەيەل كەمەلەتتٸك جاسقا تولماعان قىزىنىڭ جوعالىپ كەتكەنٸن ايتتى. ٶز سٶزٸندە ول بالاسىنىڭ ەكٸ كٷن بۇرىن كەشكٸ ۋاقىتتا ٷيدەن قاشىپ, سول كٷيٸ حابار-وشارسىز كەتكەنٸن جەتكٸزگەن.
«تەرتٸپ ساقشىلارى 14 جاستاعى قىزدى تابۋ ٷشٸن جەدەل-ٸزدەستٸرۋ شارالارىنا كٸرٸستٸ. سونىڭ نەتيجەسٸندە, جاسٶسپٸرٸم پاۆلودار قالاسىنان تابىلدى. بەلگٸلٸ بولعانداي, ول «ۆكونتاكتە» ەلەۋمەتتٸك جەلٸسٸ ارقىلى سول جاقتا تۇراتىن جٸگٸتپەن تانىسىپ, ونىمەن كەزدەسۋ ٷشٸن ٷيٸنەن قاشقان», - دەلٸنگەن اقپاراتتا.
قىز تەرتٸپ ساقشىلارىنا اتا-اناسىمەن بٸرگە تۇرعىسى كەلمەيتٸنٸن ايتتى. قازٸرگٸ ۋاقىتتا وقۋشى سەمەي قالاسىنا جەتكٸزٸلگەن. جەدەل ۋەكٸلدەر ونى ەزٸرگە تۋىستارىنا تاپسىردى. پوليتسەيلەر وقيعانىڭ مەن-جايىن انىقتاۋ ٷستٸندە.
