Foto: QR UQK
Biyl 28 qańtarda Ulttyq qaýipsizdik komiteti prokýratýra men ishki ister organdarynyń kómegimen Abai oblysynyń turǵynyn ustady, dep habarlaidy Ult.kz UQK baspasóz qyzmetine silteme jasap.
- Ol terrorizmdi, sonyń ishinde áleýmettik jeliler arqyly nasihattady dep kúdiktelip otyr, - delingen UQK baspasóz qyzmeti habarlamasynda.
Tergeý áreketteri barysynda zattai dáleldemeler tárkilendi.
Qylmystyq kodekstiń 256-babynyń 2-bóligi boiynsha sotqa deiingi tergep-tekserý júrgizilip jatyr.
Qylmystyq-protsestik kodekstiń 201-babynyń 1-bóligine sáikes ózge aqparat jariia etýge jatpaidy.
Eske salsaq terrorizmdi nasihattaǵany úshin eki azamat 7 jylǵa sottalǵan edi.
