Aqtóbelik turǵyndy áleýmettik jelide aldap, aqshasyn jymqyrǵan jigit ustaldy, – dep habarlaidy Polisia.kz.
Kúdikti Ainur degen atpen jalǵan profil ashyp, áleýmettik jeli arqyly jábirlenýshimen bailanysqa shyqqan. Ekeýara tanysyp, aralasyp, keiin alaiaq jábirlenýshiden túrli sebeptermen qaryzǵa aqsha alyp otyrǵan. Osylaisha eki ai ishinde 26 jastaǵy jigit úsh mln teńge aqshasynan aiyryldy.
"Politsiia qyzmetkerleri 27 jastaǵy jergilikti turǵyndy ustady. Jas jigit bul áreketin moiyndady, ol áleýmettik jelide jalǵan qyzdyń atyn paidalanyp, profil ashyp, ártúrli syltaýlarmen jábirlenýshiden qaryzǵa aqsha suraǵanyn aitty. Ustalǵan azamattyń osyǵan uqsas qylmystarǵa qatystylyǵy anyqtalýda.
QR QK 190-baby 3-bóligi (Alaiaqtyq) boiynsha sotqa deiingi tergeý amaldary júrgizilýde. Bul baptyń sanktsiiasy múlkin tárkilei otyryp, úsh jyldan jeti jylǵa deiingi merzimge bas bostandyǵyn shekteýdi ne sol merzimge bas bostandyǵynan aiyrý jazasyn kózdeidi" - delingen habarlamada.
