Foto: Videodan
Shymkent qalasynda er adamnyń kóshede áieline kúsh kórsetýi túsirilgen beinejazba áleýmettik jelilerde keń tarady, dep jazady Ult.kz.Kadrlarda janjal kezinde beimálim áiel olardyń jandaryna jaqyndap, er adamǵa qatań eskertý jasap, toqtatýǵa talpynyp jatqany baiqalady. Ol ashýly azamatqa:«Áielge qol kóterme!» dep qatqyl daýysta aitqan.
Video jariialanǵan soń oqiǵa qoǵam tarapynan úlken rezonans týdyryp, kópshilik kýáger áieldiń áreketin qoldady. Áleýmettik jeli qoldanýshylary turmystyq zorlyq-zombylyqqa beitarap qalmaý qajet ekenin atap ótti.
Politsiia dereginshe, erli-zaiyptylar anyqtalyp, bólimshege jetkizilgen. Áiel aryz berýden bas tartqanymen, quqyq qorǵaý organdary er adamdy ákimshilik jaýapkershilikke tartyp, qamaýǵa alǵan. Sonymen birge, olarǵa qorǵaý nusqamasy shyǵarylǵan.
