Azamattyq ister jónindegi kassatsiialyq sot áleýmettik jelide balaǵat sózder aitylǵan videolar jariialaǵany úshin jumystan shyǵarylǵan dárigerdi qyzmetine qaita ornalastyrdy, dep habarlaidy ult.kz.
Áiel dáriger memlekettik emhanada 2023 jylǵy 17 tamyzdan bastap jumys istegen. Al 2025 jylǵy 8 tamyzda eńbek sharty jumys berýshiniń bastamasymen buzylǵan.
Buǵan dárigerdiń áleýmettik jelide balaǵat sózder qoldanylǵan videolardy jariialaýy sebep bolǵan. Ol Eńbek kodeksiniń 52-baby 1-tarmaǵynyń 4-1) tarmaqshasy negizinde jumystan shyǵarylǵan. Bul norma qyzmetkerdiń kásibi qyzmetine qoiylatyn zań talaptaryna sáikes kelmeýine bailanysty eńbek shartyn buzýdy kózdeidi.
Birinshi jáne apelliatsiialyq instantsiia sottary bastapqyda jumys berýshiniń áreketin zańdy dep tanyǵan.
Alaida kassatsiialyq sot emhananyń dárigerdiń kásibi talaptarǵa sáikes kelmeitinin rastaityn jazbasha jáne ózge de dálelder usynbaǵanyn anyqtady. Sonymen qatar meditsinalyq uiym tarapynan dárigerdiń tikelei atqarǵan jumysyna qatysty shaǵym bolmaǵan.
Osyǵan bailanysty kassatsiialyq sot buǵan deiingi sot aktileriniń kúshin joiyp, dárigerdiń talabyn qanaǵattandyrdy.
Nátijesinde áiel jumysyna qaita alyndy. Sondai-aq oǵan májbúrli jumyssyz júrgen kezeńi úshin jalaqy tólenýi tiis.
