ازاماتتىق ٸستەر جٶنٸندەگٸ كاسساتسييالىق سوت ەلەۋمەتتٸك جەلٸدە بالاعات سٶزدەر ايتىلعان ۆيدەولار جارييالاعانى ٷشٸن جۇمىستان شىعارىلعان دەرٸگەردٸ قىزمەتٸنە قايتا ورنالاستىردى, دەپ حابارلايدى ult.kz.
ەيەل دەرٸگەر مەملەكەتتٸك ەمحانادا 2023 جىلعى 17 تامىزدان باستاپ جۇمىس ٸستەگەن. ال 2025 جىلعى 8 تامىزدا ەڭبەك شارتى جۇمىس بەرۋشٸنٸڭ باستاماسىمەن بۇزىلعان.
بۇعان دەرٸگەردٸڭ ەلەۋمەتتٸك جەلٸدە بالاعات سٶزدەر قولدانىلعان ۆيدەولاردى جارييالاۋى سەبەپ بولعان. ول ەڭبەك كودەكسٸنٸڭ 52-بابى 1-تارماعىنىڭ 4-1) تارماقشاسى نەگٸزٸندە جۇمىستان شىعارىلعان. بۇل نورما قىزمەتكەردٸڭ كەسٸبي قىزمەتٸنە قويىلاتىن زاڭ تالاپتارىنا سەيكەس كەلمەۋٸنە بايلانىستى ەڭبەك شارتىن بۇزۋدى كٶزدەيدٸ.
بٸرٸنشٸ جەنە اپەللياتسييالىق ينستانتسييا سوتتارى باستاپقىدا جۇمىس بەرۋشٸنٸڭ ەرەكەتٸن زاڭدى دەپ تانىعان.
الايدا كاسساتسييالىق سوت ەمحانانىڭ دەرٸگەردٸڭ كەسٸبي تالاپتارعا سەيكەس كەلمەيتٸنٸن راستايتىن جازباشا جەنە ٶزگە دە دەلەلدەر ۇسىنباعانىن انىقتادى. سونىمەن قاتار مەديتسينالىق ۇيىم تاراپىنان دەرٸگەردٸڭ تٸكەلەي اتقارعان جۇمىسىنا قاتىستى شاعىم بولماعان.
وسىعان بايلانىستى كاسساتسييالىق سوت بۇعان دەيٸنگٸ سوت اكتٸلەرٸنٸڭ كٷشٸن جويىپ, دەرٸگەردٸڭ تالابىن قاناعاتتاندىردى.
نەتيجەسٸندە ەيەل جۇمىسىنا قايتا الىندى. سونداي-اق وعان مەجبٷرلٸ جۇمىسسىز جٷرگەن كەزەڭٸ ٷشٸن جالاقى تٶلەنۋٸ تيٸس.
